05.10.2020 | 11:36

Казымова, Назарова — тустууга Арассыыйа призердара

Казымова, Назарова — тустууга Арассыыйа призердара
Ааптар: Киин Куорат
Бөлөххө киир

Арассыыйа-2020 үрүҥ көмүс призера Алина Казымова уонна ити түһүлгэ боруонса призера  Севиль Назарова

Өрөспүүбүлүкэ сүрүн тренерэ Ким Колодезниковы кытта

Балаҕан ыйын 26-27 күннэригэр Казань куоракка дьахталларга көҥүл тустууга Арассыыйа чемпионатын көбүөрдэрэ тэлгэннэ.

Күрэхтэһии бу сыл ыам ыйыгар хамсык ыарыыттан өлбүт дойду дьахталларга тренерэ Магомед Алиомаров кэриэһигэр ананна. Чемпионакка анаан кини мөссүөннээх футболкалар оҥоһулуннулар. Дьиэ кэргэнэ ыҥырылынна.  Билигин кини оннугар Болгарияттан ыҥырыллыбыт, уруккута аан дойду чемпиона  Семён Штерев үлэлиир, кини  Магомед Алиомаров көмөлөһөөччүтэ этэ.

«Ак Барс» дыбарыас көбүөрүгэр 42 регионтан: өрөспүүбүлүкэлэртэн, кыраайдартан уонна уобаластартан 152 спортмен кыргыттар киирдилэр. Саха сирэ икки мэтээлгэ тигистэ: үрүҥ көмүс уонна боруонса.

Арассыыйа эдэрдэргэ кыайыылааҕа 22 саастаах  Алина Казымова (Р. Дмитриев аатынан Олимпийскай эрэллэр училищеларын үөрэнээччитэ), 62 кг киирсэн  Мария Скрипованы (Коми) 2:0 уонна Бурятияттан сылдьар  Анна Щербакованы (4:3) кыайан баран,  кини 2019 сыллааҕы аан дойду, Европа  чемпионкатыгар Любовь Овчароваҕа (Краснодар - Санкт-Петербург) хоттордо. Бастакы үс мүнүүтэлээх киирсии кэнниттэн ахсаан 0:2 буолла, онтон уопуттаах спортсменка кыаҕын ылан, лаппа баһыйда. Эдэр кыыс итиччэ ситиһиилэммитин сыаналыах тустаахпыт. 

Өссө биһиги икки кыыспытыгар чемпионат мэтээлин былдьаһар кыах бэрилиннэ. Кинилэр боруонса туһугар уоскутар  хапсыһыыларга кииристилэр.

Дьокуускайдааҕы Роман Дмитриев аатынан олимпийскай эрэллэр училищеларын үөрэнээччитэ, ааспыт сыллааҕы РФ чемпионатын призера Севиль Назарова (55 кг, тренердэрэ К. Колодезников, Д. Суханов) бастаан Краснодарскай кыраай кыыһын Дарья Шелеһи 9:0 кыайда, иккис киирсиитигэр Москва уобалаһыттан кэлбит Марина Симоняҥҥа кыайтарда.

Уоскутар хапсыһыыларга биһиги кыыспыт Раиля Гараеваны (Москва) ыраастык икки лаппаакытыгар уурда.

Оттон үһүс миэстэ туһугар киирсиигэ эмиэ дойду киин куоратын спортменката Евгения Юрованы 12:2 кыайан, Арассыыйа хамаандатын састаабыгар иккис сылын субуруччу киирдэ.

Бары мэтээл ылбыттар харчынан бириэмийэлэннилэр, кыайыылаахтар 100 тыһ. солк., иккис, үһүс буолбуттар 50 уонна 25 тыһ. солкуобайы туттулар. Чемпионкалар тренердэрэ 50 тыһыынчанан наҕараадаланнылар.

Бу Казаннааҕы чемпионат түмүгүнэн Белградка ахсынньыга буолуохтаах аан дойду чемпионатыгар барар хамаанданы сүүмэрдиир түмсүүгэ икки призербут иккиэн ыҥырылыннылар. 

Оттон алтынньы ортотугар Москва кытыытыгар Наро-Фоминскайга  Арассыыйа эр дьоҥҥо чемпионатыгар 

былырыыҥҥы Арассыыйа призера Михаил Иванов (57 кг), Дьокуускайга ыыттыллыбыт аан дойду кубогын хаһаайыннара Арыйаан Тютрин (57 кг), Виктор Рассадин (65 эбэтэр 70 кг) уонна соторутааҕыта эдэрдэргэ Арассыыйаҕа призердаабыт  Айаал Белолюбскай кыттыах курдуктар.

Сонуннар

Ордук ааҕаллар

Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....