«Карьера күнэ» буолан ааста

Кулун тутар 29 күнүгэр «Смарт» библиотекаҕа үлэни көрдөөччүлэргэ уонна бэйэ дьыалатын арынааччыларга «Карьера күнэ» диэн ааттаах сонун тэрээһин буолан ааста. 

«Тэрээһин кыттыылаахтара кылгас кэм иһигэр биир миэстэҕэ үлэни буларга уонна бэйэ дьыалатын тэринэргэ наадалаах сиһилии информацияны ыллылар. Биһиги көрүүбүтүгэр, Арассыыйаҕа маннык хабааннаах тэрээһин аан бастаан ыытылынна. Ол курдук, «Карьера күнэ» үлэтэ суох буолуу иэнин аччатара саарбахтаммат», — диэн кэпсиир тэрийээччи Айыына Бурнашева.

«Карьера күнүн» сүрүн уратыта тэрээһини ыытыы ньыматыгар сытар, ол курдук, үгэс буолбут ньымаларга биһиги «Скиллометр» диэн бэйэбит платформабытын туһанныбыт», — диир платформа маркетиҥҥа дириэктэрэ Розалия Баишева.

Оттон платформаны оҥорон таһаарааччылар Сергей Баишев уонна Розалия Баишева билиһиннэрэллэринэн, «Скиллометр» платформа, оскуола үөрэнээччилэрэ кэнэҕэс идэлэрин эрдэттэн булуналларыгар, ханнык эйгэҕэ ордук дьоҕурдаахтарын билэллэригэр көдьүүһэ быһаарыллан, Москва куорат үөрэҕин кыһаларыгар туһанарга рекомендацияламмыт. Систиэмэ маны сэргэ кэнэҕэски үлэҕэ олук буолар билиини уонна үөрүйэҕи иҥэрэр кыаҕы биэрэр. 
Сервис босхо үлэлиир, онон ким баҕар бу сыылкаларынан киирэн, резюметын биэрэр кыахтаах:
Үлэ таларга уонна онуоха сөп түбэһэр үөрэҕи буларга: https://web.skillometer.ru/course-list
Фрилансердарга саҥа балаһаакка: https://web.skillometer.ru/student/search-talants. 
Олохтоох үлэ ырыынагын чахчыларыгар олоҕурар үөрэхтэ ылыҥ, үлэлээх, дьарыктаах буолуҥ!