31.03.2020 | 17:26

“Карантины” туһалаахтык атаарабыт

“Карантины” туһалаахтык атаарабыт
Ааптар: Киин Куорат

Саргылана Ноева (Карманова) –  РНА СС Гуманитарнай чинчийии уонна аҕыйах ахсааннаах хотугу норуоттар проблемаларын үөрэтэр институт научнай үлэһитэ, филол.н.к, икки оҕолоох ийэ:

– Аан дойду дьонун аймаабыт коронавирус ыарыыттан көмүскэнэн олорор кэмҥэ дьон араас туһалаах дьарыгы булар эбит. Биһиги дьиэ кэргэҥҥэ бу күһэлэҥ өрөбүллэр туһалаахтык аастынар диэн, дьиэҕэ хаайтаран да олордорбут, сэргэхсийэр араас ньыманы толкуйдуу сатыыбыт. Ол курдук уһуйааҥҥа сылдьар 5 уонна 7 саастаах оҕолорбор анаан "Ньургун уонна Айыына" диэн ютюб канал арыйдыбыт.

Каналбыт уратыта диэн кыра саастаах оҕолорго аналлаах, сахалыы саҥаны, тыл култууратын сайыннарарга туһаайыллар. Саха сирин дьикти кэрэ айылҕатын, Дьокуускайбыт, тыа сирин туһунан биэриилэри устуохпут. Куорат усулуобуйатыгар үөскээбит оҕолор буолан, ийэ тылларын ыраастык туттубаттар. Бэйэм тыл үөрэхтээҕэбин, онон төрөөбүт тылбыт чөл буоларыгар дууһабынан долгуйабын.

Билигин биэриибитин бэлэмнииргэ уоллаах кыыһым ыраастык сахалыы саҥара сатыыр буоллулар, чобуотук, сэргэхтик туттан-хаптан саҥарар сатабыллара эмиэ тупсубут курдук. Сарсын ханнык биэриини устарбытын, сценарийын куолаан толкуйдуубут. Боростуой төлөпүөнүнэн устабын, уһуларга, монтажтыырга саҥа үөрэнэ сылдьабын.

Бэйэм айылҕаны хаартыскаҕа түһэрэрбин сөбүлүүбүн. Ол хаартыскаларбын билигин кэлэн хата дэлби туһанным. Оҕолорум уонна атын кыра көрөөччүлэрбит тулалыыр эйгэни билиилэрэ-көрүүлэрэ элбииригэр, айылҕаны кытта ситимнэрэ быстыбатыгар, сахалыы чөл куттаах буолалларыгар каналбыт көмөлөөх буолуо этэ дии саныыбын.

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Өрөспүүбүлүкэтээҕи «Туймаада ыһыаҕа-2022» бырааһынньык бырагыраамата
Сонуннар | 21.06.2022 | 17:49
Өрөспүүбүлүкэтээҕи «Туймаада ыһыаҕа-2022» бырааһынньык бырагыраамата
Буолар сирэ: «Үс Хатыҥ» этнографическай комплекс Ыытыллар күнэ-дьыла: 2022 сыл, бэс ыйын 25-26 күннэрэ
Виктория Азизова:  «Бизнес атаҕар турара бэйэҕиттэн тутулуктаах»
Дьон | 16.06.2022 | 17:00
Виктория Азизова: «Бизнес атаҕар турара бэйэҕиттэн тутулуктаах»
Билигин Саха сиригэр урбаан эйгэтэ тэтимнээхтик сайдар. Сыллата саҥа сүүрээннэр, саҥа кыахтар киирэн иһэллэр. Урукку урбаанньыттар сүрүннээн Саха сиригэр эрэ үлэлиир буоллахтарына, билигин Арассыыйа таһымыгар, омук сирдэригэр кытта таҕыстылар.  Бүгүн мин эһиэхэ эдэр предприниматель Виктория Азизованы билиһиннэриэхпин баҕарабын.   Оҕо сааһыттан урбаан эйгэтин сэргиирэ Вика Аммаҕа төрөөбүт гынан баран, Алдан улууһун...