Ийэ уонна Аҕа күннэрин бэлиэтиэхпит

Ийэҕэ анаммыт ыйы СӨ ийэлэригэр судаарыстыбаннай наҕараадалары, «Ийэ албан аата» куорат уокуругун бочуоттаах бэлиэтин үөрүүлээх быһыыга-майгыга туттарыы түмүктүөҕэ.

Муниципальнай тэриллиилэргэ онлайн-быыстапкалар, экскурсиялар, маастар-кылаастар, төгүрүк остуоллар, аахсыйалар, хаартысканан куонкурустар, психологическай трениннэр, консультациялар уо.д.а. тэрээһиннэр ыытыллыахтара.

«Арассыыйа ийэлэрэ» Бүтүн Арассыыйатааҕы хамсааһын регионнааҕы салаата «Ийэ кыыһынаан» өрөспүүбүлүкэтээҕи күрэҕи тэрийиэҕэ. Аҕа күнүгэр анаан «Папы-дочки – мамы-сыночки» куонкурус ыытыллыаҕа.

Киин куоракка алтынньы 16 күнүгэр Ийэ пааматынньыгар сибэкки дьөрбөтүн ууруу, саҥа төрөөбүт кырачааннары балыыһаттан үөрүүлээх быһыыга-майгыга дьиэлэригэр таһаарыы ыытыллыаҕа.

Санатар буоллахха, Ил Дархан Айсен Николаев Саха АССР 100 сыллаах үбүлүөйэ бэлиэтэнэр 2022 сылы Ийэ сылынан биллэрбитэ.