Ийэ хапытаалын дьиэни атыылаһыыга хайдах туттуохха сөбүй?

Ийэ хапытаалын көмөтүнэн олорор усулуобуйаны тупсарыыга хас да ньыма баар:

Номнуо баар ипотеканы сабыахха сөп. Кирэдьиит сууматыттан көрөн, сороҕун эбэтэр толору төлүөххэ сөп.

Кыбартыыраны эбэтэр чааһынай дьиэни атыылаһыахха сөп. Ипотека ылар буоллаххытына: 1) Ийэ хапытаалынан ипотека ылан баран сороҕун сабыахха сөп. 2) Ийэ хапытаалын ипотекаҕа киирэргэ бастакы усунуос быһыытынан туһаныахха сөп.

Бастакы усунуос быһыытынан туһаныы сокуонунан көҥүллэнэр. Маныаха атыылыыр дьон Социальнай пуондаттан түһэр харчыны кэтэһэргэ сөбүлэһиэхтэрин эрэ наада.

Дьиэни уу харчынан атыылаһар буоллаххытына, Ийэ хапытаалын эбии туттуоххутун сөп. Ол эрэн маннык туһанарга оҕо 3 сааһын туолбут буолуохтаах.

Кыбартыыраны киэҥ кыбартыыраҕа атастаһарга туттуохха сөп. Холобур, үс хостооҕу икки хостооххо атастаһарга. Эбии төлөбүрүгэр Ийэ хапытаалын угаҕыт.

Дьиэ туттарга туһаныахха сөп. Дьиэни билигин уу харчыга эбэтэр ипотека кирэдьиитигэр туттар кыах баар. Манна хас биирдии түгэҥҥэ Ийэ хапытаала өйөбүл буолуон сөп.