09.05.2023 | 13:01

Ийэ дойдуну көмүскүүр ытык иэс

Ийэ дойдуну көмүскүүр ытык иэс
Ааптар: Киин Куорат
Бөлөххө киир

Ыам ыйын 8 күнүгэр буолан ааспыт «Кыайыы сааһа» бырааһынньыктааҕы бырагыраама Аҕа дойду Улуу сэриитин бэтэрээннэригэр, Лениград блокадатын кыттыылаахтарыгар, тыыл дьоруойдарыгар уонна Арассыыйа аармыйатыгар сулууспалыы барааччыларга - Ийэ дойдуну көмүскүүр ытык иэһи чиэстээхтик толорооччуларга ананна. 
Тэрээһиҥҥэ Дьокуускай уонна Ленскэй архиепискоба Роман, Саха Өрөспүүбүлүкэтин байыаннай хамыһаара полковник Александр Авдонин, ыччаттар, оскуола үөрэнээччилэрэ кыттыыны ыллылар. 
Байыаннай хамыһаар Александр Авдонин хас да көлүөнэ норуокка эйэлээх халлааны бэлэхтээбит бэтэрээннэргэ махтанан туран: «Аҕа дойду Улуу сэриитин кыттыылаахтарыгар иитиллибит уопуппутун бүгүҥҥү уустук кэмҥэ үүнэр көлүөнэҕэ тиэрдэр соруктаахпыт», - диэтэ.
Дьокуускай уонна Ленскэй архиепискоба Роман Саха сирин буойуннарын үтүө үгэстэрэ салҕанарын, онон бүгүн аармыйаҕа барааччылар Арассыыйа Аармыйатын кэккэтигэр чиэстээхтик сулууспалыыр эбээһинэстээхтэрин эттэ.
Аармыйаҕа баран эрэр эдэр дьоҥҥо Дьокуускай куорат Олохтоох дьаһалтатын Ыччат управлениета өйдөбүнньүк бэлэхтэри туттарда. 
Оттон призывниктар ааттарыттан харда тылы байыаннай-учуотунай идэ 2 №-дээх бөлөҕүн хамандыыра Григорий Шульгаҕа этэр чиэс бэрилиннэ. 
Бэлиэ күнү Росгвардия хора, солист Арина Суюндюкова, «Эн сулускун» күрэх финалиһа Татьяна Ющенко ыллам ырыалара киэргэттэ. Полиция подполковнига Сергей Петров салалтатынан полиция отдельнай батальона бойобуой приёмнары көрдөрдө.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!