Итирдэр утахтары сокуоннайа суох атыылааһыны хонтуруоллааһын сөргүтүлүннэ
Оробуочай бөлөх Гоголь уул., 40 «Славная лавка» уонна Лермонтов уул., 138 «Аютинскай» бородуукта маҕаһыыннарыгар сырытта.
«Славная лавка» маҕаһыын «Узнавайка» оҕо уһуйаанын таһыгар пиибэнэн эргинэр. Бу иннинэ маҕаһыын салалтатыгар боротокуол толоруллан, пиибэни атыылыырын тохтоторун туһунан сэрэтии бэриллибит. Ону аахайбакка пиибэ атыыта тохтооботох.
«Аютинскай» маҕаһыын Саха политехническэй лицей аттыгар пиибэни уонна итирдэр утахтары атыылыыр. Мониторинг кэмигэр оробуочай бөлөх кэккэ кэһиилэри булла, ол курдук, стажер-атыыһыт санитарнай киниискэтэ суох, итиэннэ маҕаһыыҥҥа «игровой» аппараат баар.
Олег Маклашов бэлиэтээбитинэн, сокуону кэһии боротокуолга киирдэ уонна куорат Административнай хамыыһыйатыгар тиксэриллиэҕэ. Хамыыһыйа быһаарыы ылынар, салгыы Прокуратураҕа, суукка тиксэриэн сөп.
«Пандемия кэмигэр тохтоон баран, итирдэр утахтарынан сокуоннайа суох эргиниини хонтуруоллааһыны сөргүтэбит», - диэн быһаарда Олег Маклашов.
Уопсастыбаннай палаата салайааччыта Матвей Лыткин үгүс маҕаһыын табаарын каассаҕа охсубакка, мобильнай баанынан төлөтөн атыылыырын эттэ.
«Гражданнар итии сокуону куруубайдык кэһии буоларын өйдүөх тустаахтар. Түмүгэр муниципальнай бүддьүөт сылга 500 мөлүйүөн солкуобайтан саҕалаан 1 млрд солкуобайга диэри нолуогу ситэри ылбат», - диэн бэлиэтээтэ Матвей Лыткин.
Сонуннар
Ордук ааҕаллар
