IT-хампаанньаларга 5 мөл. солк. көрүллэр
![IT-хампаанньаларга 5 мөл. солк. көрүллэр](https://kiinkuorat.ru/wp-content/uploads/2022/11/QzktRNaAKY.jpg)
«One Click Yakutia” сайтка сэтинньи 7 күнүттэн аккредитацияламмыт IT-хампаанньаларга сайаапкалары ылыы саҕаланна. Өйөбүл IT-салаалар хампаанньаларыгар дьарыктаах буолууларын оннунан хаалларыыга туһуланар. Бэлиэтээн эттэххэ, көмө санкция усулуобуйаларыгар ыытыллар. Сайаапкалары сэтинньи 23 күнүгэр диэри биэриэххэ сөп.
Уопсайа 16 IT-хампаанньа тиксэр кыахтаах, муҥутуур өйөбүл 5 мөл. солк. тэҥнэһэр. Сүрүн сыала-соруга олохтоох IT-хампаанньаларыгар үлэ миэстэтин оннунан хаалларыы буолар.
Усулуобуйата хайдаҕый?
— Бастатан туран, IT-хампаанньа Саха сиригэр регистрацияламмыт буолуохтаах;
— Иккиһинэн, Арассыыйа цифровизацияҕа министиэристэбитигэр тустаах регистрация ирдэнэр;
— Үсүһүнэн, “Якутия” резиденэ буолуохтаах;
— Төрдүһүнэн, тэрилтэ саамай кырата 5 үлэ миэстэлээх (үлэһиттэр 12 ыйтан итэҕэһэ суох тутуһуллубут усулуобуйалара ирдэнэр);
— Бэсиһинэн, хампаанньа сайаапканы биэрии күнүгэр алта ыйтан итэҕэһэ суох үлэлии олоруохтаах.
Өйөбүл Саха сирин «Венчурнай хампаанньатын” уонна СӨ инновациятын сайыннарыы пуондатынан олоххо киирэр.
Билсэр төл.: +7 924 767 8400.
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)