Ил Дархан Биир кэлим координациялыыр киин мунньаҕын ыытта

Ил Дархан Айсен Николаев байыаннай дьайыыга ыытыллар, өрөспүүбүлүкэҕэ оҥоһуллар тиэхиньикэ ахсаанын элбэтэр соругу туруорда диэн Өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрдэ.

Итини таһынан мунньахха байыаннай сулууспалаахтары өйүүр миэрэлэри дьүүллэстилэр.

«Бүгүҥҥү күҥҥэ тиэхиньикэбитин, бастатан туран квадроцикллары уонна дроннары ыытыыны тэтимирдиэххэ наада. Билигин Уһук Илиҥҥэ «Патриотическая» ТОР чэрчитинэн оҥорор буоллулар. Бастыҥ байыаннай чаастар салалталарын кытта элбэхтик үлэлэһэбит, тиэхиньикэбитигэр туох ирдэбил баарын билэбит», - диэн бэлиэтээтэ Ил Дархан.

Кини былырыын тэриллибит өрөспүүбүлүкэтээҕи Биир кэлим координациялыыр киин байыаннай сулууспалаахтары араас хайысханан өйүүрүн эттэ.

«Ити үлэҕэ саамай дьоһун звенонан территориальнай тирэх пууннарбыт бигэ туруктаах үлэлэрэ буолар, кинилэр нөҥүө анал эпэрээссийэ зонатыгар өрөспүүбүлүкэттэн таһаҕаһы ыытабыт. Өрөспүүбүлүкэ байыаннай сулууспалаахтарга оҥоһуллар көмө систиэмэтин сөпкө оҥордо, манна былаас уорганнара, бөдөҥ хампаанньалар уонна пуондалар, дьоҕус урбаан уонна уопсастыбаннас үлэлэһэллэр, үлэ салҕанар» - диэтэ Айсен Николаев.