01.08.2023 | 09:59

Икки оскуола хапытаалынай өрөмүөнэ атырдьах ыйын 10 күнүгэр түмүктэнээри турар

Икки оскуола хапытаалынай өрөмүөнэ атырдьах ыйын 10 күнүгэр түмүктэнээри турар
Ааптар: Киин Куорат
Бөлөххө киир

Бу күннэргэ киин куоракка «Оскуола систиэмэтин модернизациялааһын» федеральнай бырагырааманан Дьокуускай куоракка 13 оскуолаҕа хапытаалынай өрөмүөн ыытылла турар. Олортон бастакынан Н.О. Кривошапкин аатынан 5№-дээх оскуола уонна Саха гимназиятын өрөмүөннэрэ түмүктэнээри турар.
Бэҕэһээ баһылык Евгений Григорьев икки оскуола салалталарын уонна тутуу сакаасчыта «Главстрой» тэрилтэни кытта өрөмүөн хаамыытын дьүүллэстэ. 
Ол курдук, Н.О. Кривошапкин аатынан 5 №-дээх оскуола хапытаалынай өрөмүөнүн бэдэрээтчитэ «Монтажник» ПК үлэ 90% бэлэмин бэлиэтиир. Манна түннүк, муоста маһа, линолеум, аан барыта уларыйбыт, фасад, радиатор, санузел өрөмүөннэммит.
Үлэ оскуола төрөппүттэрин кэмитиэтин хонтуруолугар турар. «Барытын санаа хоту оҥорон иһэллэр, сыаналаах, хаачыстыбалаах матырыйаалы тутталлара харахха быраҕыллар. Оҕолорбут соһуйа үөрүөхтэрэ диэн эрэнэбит»,– диэн төрөппүттэр санааларын үллэстэллэр.
Саха гимназиятын «Вертикаль» ХЭУО өрөмүөннүүр. Үлэ муус устар 3 күнүттэн саҕаламмыта. Манна истиэнэ штукатурката ыытыллар, ититэр систиэмэ, уу, уот ситимнэрэ саҥардыллаллар, муоста плитката уларытыллар. Эбийиэк 74% бэлэм. Оскуола өрөмүөнүн хаамыытын хонтуруолугар төрөппүттэр эмиэ көхтөөх кыттыыны ылаллар. 
Бу икки оскуола хапытаалынай өрөмүөнэ атырдьах ыйын 10 күнүн диэки түмүктэнээри турар.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.