Хомунаалынай сулууспа тиэхиньикэтэ салгыы саҥардыллар
Дьокуускай куорат хомунаалынай сулууспаларыгар анаан Челябинскэй собуоттарыттан биирдэстэригэр, кытай грузовиктарын шассиларыгар олоҕуран, уон саҥа АСМ массыыналарын таҥаллар диэн куорат уопсай планеркатыгар иһитиннэрдилэр.
Бастакы икки массыына киин куоракка саҥа дьыл иннинэ кэлиэҕэ.
Икки вакуумнай массыынаны «ПТСК» МУТ уонна «Якутдорстрой» АУо, оттон 18 куубтаах массыыналары «Жилкомсервис» МУТ ылыахтара.
«Билиҥҥи туругунан массыыналары Челябинскэй собуоттарыттан биирдэстэригэр таҥаллар уонна биһиги усулуобуйабытыгар сөп түбэһэллэрин курдук бэлэмнииллэр», - диэтэ «Жилкомсервис» МУТ бэрэстэбиитэлэ.
Куорат баһылыга Евгений Григорьев, тэрилтэлэргэ олус барыстааҕын бэлиэтээн туран, тиэхиньикэни гаас оттукка көһөрөр кыаҕы тобуларга сорудахтаата.
Сонуннар
Ордук ааҕаллар



