21.02.2021 | 12:10

Хоһоону түргэнник үөрэтэбит

Хоһоону түргэнник үөрэтэбит
Ааптар: Киин Куорат
Бөлөххө киир

Сорох оҕо хоһоону бэрт түргэнник өйүгэр хатыыр. Өссө хас да айымньыны нойосуус билиэн, хааһахтан хостуур курдук этиэн сөп. Бу дьарык олус туһалаах, өйгөр тутар дьоҕургун сайыннарар, ойуулаан көрөр талааҥҥын арыйар, тыл саппааһын байытар.  Онон хоһоону оҕолуун-улаханныын – бука бары үөрэтиэхтээхпит.

Сорох үөрэнээччи, хас да строканы биирдэ аахтаҕына, өйүгэр тута хатыан сөп. Оттон ким эрэ нойосуус үөрэтэ сатаан уһун күнүн барыа. Ол аата хас биирдии киһи өйүгэр тутар дьоҕура ураты.    

Хоһоону, ханнык баҕарар тиэкиһи түргэнник уонна судургутук үөрэтэргэ анал эрчиллиилэр бааллар эбит. Дьэ, эрэ, саҕалыахха.

Бастаан үөрэтиэхтээх тиэкискэр билбэт тылларгын бэлиэтээ, суолталарын тылдьыттан, баҕар, Гуглтан булан аах. Оҕо хоһоон ис хоһоонун өйдүөхтээх.  

Хоһоон хас биирдии строкатыгар өйгөр туох эрэ дьүөрэлэһэр ситимнэри толкуйдаа. Холобур, күн чаҕылыччы тыгарын туһунан айымньы буоллаҕына, оннук былыта суох халлааны хараххар ойуулаа. Ити курдук, хонууга сибэкки үүнэн турарын, чыычаах ыллыырын, о.д.а. хартыынаны кытта ситимнээ.

Хоһоону уһул. Төһө да уһун буоллун, сүрэҕэлдьээмэ. Суруйа олорон хас биирдии тылын дорҕоонноохтук аах. Бүттэххинэ, ол лиискин көрөн үөрэт. Киһи бэйэтэ суруйбутун ордук түргэнник ылынар.

Хоһоону хас да түһүмэххэ араар. Баҕар, биирдии строка, баҕар, онтон уһун буоллун. Бэйэҥ хайдах саныыргынан. Ол араарбыт түһүмэхтэргинэн үөрэт. Бастаан биири бил, онтон иккискэ бар. Ол аайы инники түһүмэхтэргин хатылаан ис.

Өйгөр түспэт уустук тыллары лиискэ улахан гына суруй. 

Ити курдук, бу судургу эрчиллиилэри, сүбэлэри туһаннаххына, хайа да бэйэлээх уһун хоһоону түргэнник үөрэтиэҥ.

Ситиһиилэри!

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!