ХИФУ медицина наукаларыгар аан дойду бастыҥнарын ортотугар киирбит

«Round University Ranking» рейтинговай агентство медицина наукаларыгар аан дойду бастыҥ үрдүк үөрэх кыһаларын таһаарбыт. Хотугулуу-Илиҥҥи федеральнай университет аан дойдутааҕы рейтинг Арассыыйатааҕы үрдүк үөрэх кыһаларын ортотугар төрдүс миэстэҕэ тахсыбыт. 
Бу күннэргэ агентство ол туһунан түмүктэри ыыппыт. Онно этиллибитинэн ХИФУ Арассыыйа үрдүнэн төрдүс миэстэҕэ уонна медицина наукаларыгар аан дойдуга 326-с миэстэҕэ тахсыбыт. Олох туһунан наукаларга университет Арассыыйаҕа 29-с, оттон аан дойду үрдүнэн 576-с миэстэлэргэ сылдьар. 
«Саамай күүстээх өттүбүтүнэн, университет 65 сыллааҕы устуоруйатыгар, бигэ туруктаах, айымньылаах үлэлээх кэлэктииппит уонна Саха сирин, Арассыыйа сайдар доруобуйа харыстабылыгар эйгэлэрин кытта бииргэ үлэлээһиммит буолар. Ити Саха сирин хас да көлүөнэ чиничийээччилэрин уонна практик-медиктэрин үлэлэрин билинии буолар» – диэтэ ХИФУ  Медицинскэй институтун дириэктэрэ Николай Гоголев.