ХИФУ бэстибээлигэр 10 тыһыынча киһи сырытта

Бу иннинэ ыытыллыбыт «Учуонайдар – оскуолаларга» Бүтүн Арассыыйатааҕы аахсыйа чэрчитинэн 3 000 үөрэнээччи кытынна, 112 лекция ааҕылынна, итинтэн 44-дэ – ХИФУ преподавателлэринэн.

Быйылгы бэстибээлгэ 132 балаһаакка үлэлээтэ – быыстапкалар, маастар-кылаастар, регион үрдүк үөрэҕин кыһаларын уонна научнай тэрилтэлэрин бэрэстэбиитэллэрин интерактивнай тэрээһиннэрэ.

Бэстибээл бастыҥ экспозициялары уонна быыстапкалары наҕараадалааһынынан түмүктэннэ. Бастакы миэстэ Biomed Polygon ХИФУ технологическэй конференциятын экспозициятыгар уонна Дьокуускайдааҕы тыа хаһаайыстыбатын научнай-чинчийэр институтут балаһааккатыгар тигистэ. Иккис миэстэҕэ – АГАТУ уонна АГИКИ бэрэстэбиитэллэрэ. III-с степеннээх дипломунан Музыка үрдүкү оскуолата уонна Дьокуускай куораттааҕы лицей наҕараадаланнылар.

Манна даҕатан эттэххэ, Саха сирэ научнай бэстибээл хамсааһыныгар ХИФУ көҕүлээһининэн 2013 сылтан кыттар. Ити сыллар тухары университет – бэстибээл регионнааҕы оператора.