Хапытаалынай өрөмүөнү хаачыстыбаннайа суохтук оҥордохторуна

Элбэх кыбартыыралаах дьиэҕэ бэдэрээтчиттэр хапытаалынай өрөмүөнү хаачыстыбаннайа суохтук оҥордохторуна хапытаалынай өрөмүөн пуондатыгар этиллиэхтээх. Миэрэ ылыллыбатаҕына, Саха сирин судаарыстыбаннай тутуутун уонна олох-дьаһах хонтуруолун Управлениетыгар этэргэ сүбэлииллэр. Бу туһунан быһа эфиргэ биэдэмистибэ салайааччыта Павел Аргунов иһитиннэрдэ. 
«Хапытаалынай өрөмүөнү хаачыстыбаннайа суохтук оҥорбут түбэлтэлэригэр, бастакы уочарат хапытаалынай өрөмүөн пуондатыгар этиллиэхтээх. Кинилэр туох да миэрэни ылбат буоллахтарына, «Госстройжилнадзор» Управлениетыгар эттэххитинэ биһиги бэрэбиэркэни ыытыахпыт уонна сөптөөх миэрэлэри ылыахпыт.  Итэҕэстэри буллахпытына ону туораталларын курдук ыйабыт. Толорботохторуна ыстараап көрүллэр», – диэтэ   Павел Аргунов.
Хапытаалынай өрөмүөн кэмигэр саахал тахсар түбэлтэтигэр хоромньуну хапытаалынай өрөмүөн пуондата уйунар.  Итиннэ хоромньу сууматын билэр наадалаах.