Хантараагынан сулууспаҕа ыҥыраллар

Дьокуускай куорат олохтоох дьаһалтата Арассыыйа аармыйатын кэккэтигэр хантараагынан сулууспа туһунан иһитиннэриини мэрия үлэһиттэригэр уонна нэһилиэнньэҕэ тиэрдиини салгыыр.
Бу күннэргэ 14129 №-дээх байыаннай чаас измерительнэй пуунун байыаннай сулууспалаахтара хантараагынан сулууспа биһирэмнээх өрүттэрин туһунан иһитиннэриини оҥордулар. Ол курдук, үөһэ ааттаммыт байыаннай чаас Арассыыйа Федерациятын космическай аппарааттарын салайыынан уонна кэскиллээх космическай комплекстары уонна систиэмэлэри боруобалааһынынан дьарыктанар. 
Биллибитин курдук, муус устар 10 күнүттэн Дьокуускай куоракка «Абырал» санаторий баазатыгар хантараагынан байыаннай сулууспалаахтары сүүмэрдиир Биир кэлим киин арыллыбыт. Ол эбэтэр баҕалаахтар бу пууҥҥа тиийэн тургутугу уонна медицинскэй чинчийиини ааһаллар. 
Санатар буоллахха, хантараагынан байыаннай сулууспаҕа 18-тан 59-гар, кэккэ түгэннэргэ 65-гэр диэри саастаах гражданнар хапсар кыахтаахтар. Хантараагынан байыаннай сулууспаҕа киириэн баҕалаах кандидаттартан 9 кылаастан итэҕэһэ суох үөрэх уонна байыаннай сулууспа «А», «Б», кэккэ түгэннэргэ «В» категорията ирдэнэр.
Хантараагынан байыаннай сулууспаҕа киириэн баҕалаахтар олорор сирдэринэн байыаннай комиссариакка билсэллэр. Дьокуускай куоракка үлэлиир пуун аадырыһа: Чепалов уул., 23 дьиэтэ, төл.: 32-10-40.