Хаарбах туруктаах дьиэ олохтоохторо саҥа дьиэлэргэ кыбартыыра ыллылар
Дьиэ-уот сыһыаннаһыыларын департамена иһитиннэрбитинэн, Дальняй уулусса 82-гэр турар дьиэ 2016 сыллаахха саахалланар кутталлаах диэн билиниллибит уонна хаарбах туруктаах дьиэлэртэн олохтоохтору көһөрүү өрөспүүбүлүкэтээҕи бырагырааматыгар киллэриллибит.
“Соторутааҕыта Анфиса Конюхова туһунан сонуннар муниципалитекка кыбартыыралары тиэрдии кэмигэр көрдөрөр-иһитиннэрэр эйгэҕэ киэҥник тарҕаннылар. Дьиэ-уот тутуутун дириэксийэтин кытта кыбартыыралары ылар туһунан судаарыстыбаннай хантараактар хайыы үйэ түһэрсиллэн бүппүттэрэ, оттон Дальняй уул. 82-тэн, хаарбах дьиэттэн олохтоохтору көһөрүөхтээх саҥа эбийиэкпит үлэҕэ киирдэ, – диэн иһитиннэрдилэр тустаах Департамеҥҥа.
Анфиса Конюховаттан атын хаарбах дьиэ олохтоохторо Вера Захарова уул., 15/2, саҥа дьиэҕэ кыбартыыраланнылар.
“Звезднай” дьоҕус оройуоҥҥа барыта 573 кыбартыыра ылылынна. Онно хаарбах туруктаах дьиэлэртэн олохтоохтору көһөрүү бырагырааматынан дьон саҥа кыбартыыраларга күлүүстэри тутуохтара.
Куорат олохтоохторун малааһыҥҥытынан эҕэрдэлиибит!
Сонуннар
Ордук ааҕаллар
