«Госуслуги» баһылыырга үөрэнэбит

Билигин судаарыстыбаннай өҥө үксэ электроннай ньыманан барар буолла.      ⠀⠀⠀⠀⠀⠀⠀⠀⠀⠀⠀⠀⠀⠀⠀

gosuslugi.ru – биир кэлим федеральнай портал. Прописка, паспорт уларыйыыта, сууттана сылдьыбатаххыт туһунан ыспыраапка, массыынаны учуокка туруоруу, оҕо төрөөтөҕүнэ туоһу суругу ылыы уо.д.а.

e-yakutia.ru – судаарыстыбаннай өҥөлөр региональнай порталлара. Манна оҕо босуобуйатын оҥотторуохха, уһуйааҥҥа уочаракка туруохха, дьиэ туттар буоллаххытына олохтоох салалтаҕа иһитиннэриини ыытыаххытын, дьиэ кэргэн састаабын туһунан ыспыраапка ылыахха сөп уо.д.а. ⠀⠀⠀⠀⠀⠀⠀⠀⠀⠀⠀⠀⠀⠀⠀

“Госуслуги” порталга баар логиҥҥыт уонна парольгут – туох баар судаарыстыбаннай өҥөлөрү туһанар күлүүскүт. Ол курдук, нолуогабай сулууспа сайтыгар nalog.ru, Пиэнсийэ пуондатыгар pfrf.ru, Росреестрга rosreestr.ru тус кабинеккыт, Суут бириистэптэрин сулууспалара http://fss.ru, сетевой куорат sgo.e-yakutia.ru о.д.а.

⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀

Хайдах регистрацияланабыт?

http://gosuslugi.ru сайтка киирэн «Зарегистрироваться» кнопканы баттыыбыт. Суотабай нүөмэргитин, электроннай почтаҕыт аадырыһын киллэрэҕит, пароль айаҕыт. Салҕыы паспорт уонна СНИЛС дааннайдарын киллэрэҕит уонна докумуон бэрэбиэркэни ааһарын күүтэҕит.  Ортотунан 10-15 мүнүүтэ барар.⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀

Пароль 8 знактаах, латиницанан (англ. буукубаларынан), улахан уонна кыра буукубалардаах, сыыппаралардаах, символлардаах буолуохтаах. Холобур, Molog85+. ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀

Салҕыы учетнай записькытын бигэргэтэҕит.

Учетнай запись бигэргэтэргэ «Сбербанк.Онлайн», «Тинькофф Банк», «Почта Банк» уонна «ВТБ банк» баар буоллаҕына судургу. Мобильнай сыһыарыыга  «Госуслуги» салаатын баттыыгыт. Сиһилии быһаарыы манна баар: http://mfcsakha.ru/files/uzesia.pdf.

Учетнай записьтаах эрээри пароль умнубут буоллаххытына тус кабинекка киирэргэ «Я не знаю пароль» баттыыгыт. СМС эбэтэр электроннай почтаҕытыгар сурук кэлиэ.  СНИЛС нүөмэрин логин оҥостон, саҥа пароль толкуйдааҥ.

Урут регистрацияламмыт нүөмэргит суох буоллаҕына, электроннаай аадырыскыт ыйыллыбакка хаалбыт буоллаҕына пааспардаах уонна СНИЛСтаах МФЦ-га http://www.mfcsakha.ru/posts/2020/05/13/42675/centry-obsluzhivaniya-portala-gosuslug-v-g-yakutsk тиийиэххитин сөп. Эпидемия кэмигэр дьуһуурунанй офистар эрэһиимнэрин ыйыталаһаргытын умнумаҥ.

“Госуслуги” техническэй боппуруостарыгар эрийэр нүөмэргит: 8-800-100-70-10 уонна115 суотабайтан эрийэргэ.

e-yakutia портал боппуруостарыгар – 8-800-100-77-88.