Госавтоинспекция оҕо кириэһилэтин бэрэбиэркэлиир

Киин куоракка ГИБДД судаарыстыбыннай иниспиэктэрдэрэ оҕо кириэһилэтин бэрэбиэркэлиир эриэйдэлэри ыыталлар диэн Арассыыйа ИДьМ ГИБДД «Якутское» салаата иһитиннэрдэ.
Эриэйдэлэри сарсыарда өттүгэр оҕо уһуйааннарын таһыгар ыыталлар. Ол курдук, кылгас кэм иһигэр иниспиэктэрдэр оҕолорун кириэһилэтэ суох тиэйэ сылдьар 30-ча төрөппүтү тохтоттулар. Биир төрөппүт отой да массыынаны ыытар бырааба суоҕа билиннэ. Быраабы кэһээччилэргэ административнай боротокуол оҥоһулунна.
Манна даҕатан эттэххэ, сыл саҕаланыаҕыттан киин куоракка оҕо кыттыгастаах 47 суол быһылаана регистрацияланна. Оҕоҕут олоҕун уонна доруобуйатын харыстааҥ – оҕо кириэһилэтин уонна куттал суох буолуутун хааччыйар эримиэни туһаныҥ!
Сонуннар
Ордук ааҕаллар



