Гимназия кылааһыгар Владимир Губин аата иҥэрилиннэ

Гимназистары Губинскай уокурук Управатын салайааччыта Гулжан Огонерова, Бэтэрээннэр сэбиэттэрин бэрэссэдээтэлэ Николай Тряпша, «Глобальнай үөрэхтээһин киинэ» гимназия дириэктэрэ Александр Чудиновских, 7 «А» кылаас салайааччыта Анна Сверчкова, Владимир Губин дьиэ кэргэнин чугас доҕоро Нина Готовцева, Губинскай уокурук Култуураҕа уонна искусствоҕа сэбиэтин  бэрэссэдээтэлэ Ольга Голдобина эҕэрдэлээтилэр.

Губинскай кылаас салайааччы, педагог Анна Сверчкова көҕүлээһининэн аһылынна.

Дьокуускай куорат олохтоохторо Владимир Губин геройдуу быһыытын өйдүүллэр. 1964 сыл алтынньы 8 күнүгэр Владимир Сергеевич кэргэнинээн үлэтиттэн кэлэн испит. Кинилэр күөл таһыгар мас дьиэҕэ олороллоро. Күөл мууһугар оҕолор оонньуу сырыттахтарына муустара тостон ууга түспүттэр. Ууга түспүт түөрт оҕону Губин быыһаабыт, хомойуох иһин, бэйэтэ кыайан тахсыбатах. Хорсун быһыытын иһин, 1965 сыл тохсунньу ыйыгар, Владимир Сергеевич Губины (өлбүтүн кэннэ) «Бочуот знага» орденынан наҕараадалаабыттара.