Гагаринскай уокурукка окуопа чүмэчитин оҥороллор

Гагаринскай уокурук Управатын иһитиннэриитинэн, бу күннэргэ сотрудниктар уонна уокуруктааҕы дьахтар сэбиэтэ Управаҕа мустан, байыаннай сулууспалаахтарга анаан окуопа  чүмэчитин оҥорууну салҕыыллар.

Уокурук олохтоохторо ыйы быһа Управаҕа бааҥкалары, гофрохортуону, чүмэчилэри уонна парафины аҕаллылар. Икки төгүл мустан дьахталлар уонна Управа сотрудниктара 100 «блиндажнай» чүмэчини оҥордулар. Итинник чүмэчи үс чааһы быһа буруолаабакка умайар, ону таһынан, аһылыгы сылыттыахха, таҥаһы куурдуохха сөп.

Ытыктабыллаах киин куорат олохтоохторо! Бааҥкалары, парафины уонна хортуону анал хомуйар пууҥҥа аҕалыаххытын сөп, аадырыһа: Дьокуускай к., Маяковскай уул., 81, «Маяк»  библиотека төл. 35-04-62.