25.12.2022 | 14:00

Фенябытын таптыыбыт

Мин аатым Настя Москвитина, 7 саастаахпын, Ф.И. Авдеева аатынан Оҕо айымньытын дыбарыаһын 1 кылааһыгар үөрэнэбин.
Фенябытын таптыыбыт
Ааптар: Айыына КСЕНОФОНТОВА
Бөлөххө киир

Кыра эрдэхпиттэн түөрт атахтаах доҕордонуохпун олус баҕарар этим. Эдьиийим аллергиялаах буолан, куоска ылынар кыахпыт суоҕа. Ыт оҕото иитиэхпит этэ да, дьиэбитигэр киэһэ биирдэ мустабыт. Ол иһин өр толкуйдаан, сүбэлэһэн баран, куруолук иитэргэ быһаарыммыппыт. Онтон ыла бу кыыллар тустарынан интэриэһиргээн, өссө элбэҕи билиэхпин-көрүөхпүн баҕаран, дакылаат суруйбутум. Бүгүн эһиэхэ онтон кэпсиэм.

Куруолуктары элбэх остуоруйаҕа, мультикка көрүөххэ сөп. Холобур, «Алиса в стране чудес» остуоруйаҕа мэлдьи ыксыы сылдьар Маҥан куруолук баар. «Винни Пух» мультикка Кроляны, «Луни Тьюнска» Багз Баннины өйдүүр буолуохтааххыт. Өссө Питер куруолугу оҕолор билэллэр.

Дьиэ куруолугун аан бастаан Германияҕа 20-с үйэ саҕаланыытыттан иитэр буолбуттар. Онтон ыла элбэх боруода үөдүйбүт: мини-рекс, бабочка, кролик-баран, мини-сатин.

Мин куруолугум Феня диэн ааттаах. Боруодата – лев. 2021 сыллаахха ыам ыйын 15 күнүгэр төрөөбүтэ. Феня – биһиги дьиэбит маанылаах доҕоро.

Куруолук иитиэн баҕалаах оҕолорго сүбэлиибин:

1. Бу олус чэнчис кыыл. Сыта-сымара суох, куоска курдук куруук ыраастана, сууна сылдьар.

2. Куруолук кэрбээччилэргэ киирсэр. Миэбэли, хаабыллары кириэн сөп. Ол иһин түөрт атахтаах доҕоргутугар сотору-сотору мас сыыһын биэрэр буолуҥ.

3. Олус чуумпу кыыл, саҥа таһаарбат.

4. Куттас, улахан тыастан-уустан соһуйар. Ол иһин сороҕор соҕотох хаалларар, тыыппат ордук. Мин Феням орон анныгар саһар идэлээх.

5. Сотору-сотору аһыахтаах. Биһиги анал аһылыгы (маҕаһыыҥҥа атыыланар) биэрэбит, өссө дьиэбитигэр от үүннэрэбит. Куруолуккутун оҕуруот аһынан күндүлүөххүтүн сөп. Ол эрээри өйдөөҥ: хаппыыстаны, хортуоппуйу, сүбүөкүлэни, бэйэҕит аһыыр аскытын биэримэҥ.

6. Анал вольер, аһыыр, уу иһэр иһит атыылаһыллыахтаах. Мэлдьи килиэккэҕэ хаайан олордор сыыһа. Биһиги Фенябытын кыбартыыра иһигэр ыытан кэбиһэбит. Хата, туалекка үөрэммит буолан, лотуогар эрэ сылдьар.

7.Куруолугу таһырдьа күүлэйдэтэр сатаммат. Тоҕо диэтэххэ бөҕү-саҕы сиэн эбэтэр ыттар саба түһүөхтэрин сөп. Эбиитин атын сиргэ тиийэн куттаныаҕа.

Уопсайынан, куруолугу дьиэҕэ иитэр табыгастаах. Биһиги Фенябытын олус таптыыбыт. Кини баара олус үчүгэй! 

 

Туох уратылаахтарый?

Куруолуктар – чэнчис, олус чуумпу уонна үчүгэйкээн кыыллар. Куобахтыын майгыннаһаллар эрээри, букатын атын-атыттар.

Сонуннар

Ордук ааҕаллар

Аан дойдуга урут  суох энциклопедия тахсан эрэр
Сонуннар | 25.05.2023 | 14:00
Аан дойдуга урут суох энциклопедия тахсан эрэр
М.К. Аммосов аатынан Хотугулуу-Илиҥҥи федеральнай университет иһинэн үлэлиир Олоҥхо института “Олоҥхо энциклопедиятын” бастакы туомун бэлэмнээн эрэр.
Кыайыы пааркатыгар 3500 хатыҥ уонна кедр олордуллуоҕа
Сонуннар | 25.05.2023 | 17:22
Кыайыы пааркатыгар 3500 хатыҥ уонна кедр олордуллуоҕа
Сарсын, ыам ыйын 26 күнүгэр, Кыайыы пааркатыгар «Өйдөбүнньүк саада» диэн  аахсыйа чэрчитинэн 3500 хатыҥ уонна кедр мас олордуллуоҕа.  «Өйдөбүнньүк саада» норуоттар икки ардыларынааҕы аахсыйа Арассыыйа Бэрэсидьиэнин 03.07.2020 сыл № Пр-1069 сорудаҕынан кулун тутар 18 күнүттэн бэс ыйын 22 күнүгэр диэри дойду бары регионнарыгар Аҕа дойду Улуу сэриитин кыттыылаахтарын сырдык ааттарыгар...
Спортсменнар 17-с кыбаарталы хомуйдулар
Сонуннар | 25.05.2023 | 18:03
Спортсменнар 17-с кыбаарталы хомуйдулар
Олохтоох дьаһалта Физическэй култуураҕа уонна спорка управлениетын салалтатынан куорат бары оҕо спорт оскуолаларын кэлэктииптэрэ бүгүн, ыам ыйын 25 күнүгэр, Строительнай уокурук 17-с кыбаарталыгар субуотунньуктаатылар. Барыта сүүсчэкэ киһи мустан, 320 куул бөҕү хомуйбуттар. Управление начаалынньыга Эдуард Ефимов бэлиэтииринэн, олохтоохтор даҕаны туора турбатахтар.
Дьокуускайга «Якутск купеческий» форум буола турар
Сонуннар | 27.05.2023 | 00:39
Дьокуускайга «Якутск купеческий» форум буола турар
Саха сирин сайдыытыгар былыргы атыыһыттар тугунан да кэмнэммэт кылааттаахтар. Кинилэр үтүө үгэстэрин бүгүн 20 тыһыынчаттан тахса дьоҕус уонна орто урбаан тэрилтэтэ салҕыыр, оттон бүгүҥҥү тэрээһиҥҥэ киин куорат 150 урбаанньыта кыттыыны ыла сылдьар, диэн бэлиэтээтэ куорат баһылыга Евгений Григорьев «Якутск купеческий» форум-дьаарбаҥка үөрүүлээх аһыллыытыгар.  Бэлиэтээн эттэххэ, «Якутск купеческий» форму-дьаарбаҥка ыам ыйын...