13.11.2023 | 15:00

Евгений Григорьев «Юнармия дьиэтэ» кэлэктиибин кытта көрүстэ

Куорат баһылыга Евгений Григорьев Строительнай уокурукка баар «Юнармия дьиэтигэр» сырытта диэн Олохтоох дьаһалта пресс-сулууспата иһитиннэрдэ.
Евгений Григорьев «Юнармия дьиэтэ» кэлэктиибин кытта көрүстэ
Ааптар: Киин Куорат
Бөлөххө киир

Баһылык саҥардыллыбыт дьиэни уонна территорияны көрдө-иһиттэ, юнармеецтары уонна педагогтары кытта көрүстэ, инники былааннарынан интириэһиргээтэ.

Соторутааҕыта «Юнармия дьиэтигэр» өрөспүүбүлүкэтээҕи Олохтоох көҕүлээһини өйүүр бырагыраама көмөтүнэн медиакиин аһыллыбыта. Онно оҕолор суруналыыс маастарыстыбатыгар үөрэнэллэр, итиэннэ робототиэхиньикэ уонна көмпүүтэр кылаастара үлэлииллэр. «Оҕо (эрдэҕэс оҕо) киинэ» муниципальнай үөрэҕирии тэрилтэтин дириэктэрэ Наталья Петрова иһитиннэрбитинэн, робототиэхиньикэ уонна көмпүүтэр кылаастарын баазатыгар «Кибер Якутск» интеллектуальнай-спортивнай лига тэрилиннэ.

Бу күһүн «Оҕо (эрдэҕэс оҕо) киинэ» Строительнай уокурук инфраструктуратын сайыннарар сыаллаах «Я – Патриот» территория бырайыагын олоххо киллэрдэ. Бырайыакка Киин уонна «Ураһа» креативнай туона территорияларын тупсаран оҥоруута көрүлүннэ.

Евгений Григорьев ыытыллыбыт үлэни үрдүктүк сыаналаата.

«Биһиги оҕолор эбии үөрэхтээһиннэрин дьиэтин өрөмүөнүн бырагырааматын үс сыл анараа өттүгэр саҕалаабыппыт, билигин бу сөҕүмэр түмүктэри көрөбүт. Салалта, бүтүн кэлэктиип энергиятин, түмсүүлээҕин уонна ыытыллыбыт үлэ таһымын көрөн сөхтүм», – диэтэ Евгений Григорьев.

«Юнармия дьиэтэ» Уһук Федеральнай уокурукка бэһис уонна Саха сиригэр бастакы тэрилтэнэн буолар.

 

Сонуннар

Ордук ааҕаллар

Иван Туласынов:  Муусука дьикти алыбар куустаран
Дьон | 23.11.2023 | 14:00
Иван Туласынов: Муусука дьикти алыбар куустаран
Тапталлаах «Киин куорат» хаһыаппыт бүгүҥҥү нүөмэригэр быйылгы «Алампа» аатынан норуот бириэмийэтин «Бастыҥ  ырыа айааччы» лауреата, Саха Өрөспүүбүлүкэтин култууратын туйгуна, үтүөлээх үлэһитэ, самодеятельнай композитор, Саха Өрөспүүбүлүкэтин ырыа айааччыларын түмсүүтүн чилиэнэ, Бүлүү куорат бочуоттаах олохтооҕо Иван Туласыновы кытта кэпсэтиибин ааҕыҥ.   – Иван Иванович, үтүө күнүнэн! Быйыл бэһис сылын норуот номох оҥостубут, таптыыр...
Эргиччи талаан баар киһитэ — Карл Нутчин!
Дьон | 23.11.2023 | 21:00
Эргиччи талаан баар киһитэ — Карл Нутчин!
Бу интервьюга Карл Алексеевич тута сөбүлэспитэ, туох эрэ саамай күндүнү кытта көрсүһэр курдук – оҕо сааһа, үөрэммит сыллара, тапталлаах кэргэнэ, талан ылбыт идэтэ, олоҕо-дьаһаҕа барыта бу биһиги кылгас кэпсэтиибитигэр ахтыллан ааһар. Кини сахалыы сэмэйэ, холкута, муударайа хайдах эрэ сэбиэскэй кэм  дьиҥнээх эр киһитин, саха саарынын, биһиги аҕаларбытын санатта.   Карл Алексеевич...
«Харчы» сериал туохха үөрэтэрий?
Сонуннар | 23.11.2023 | 10:00
«Харчы» сериал туохха үөрэтэрий?
Бу күннэргэ “Саха” Национальнай көрдөрөр-иһитинэрэр хампаанньа ханаалыгар “Харчы” сериал көстө турар. Чахчы олоххо баары ойуулуур-дьүһүннүүр киинэни көрөөччү олус сэҥээрдэ. Тустаах уорганнар “Массыанньыктартан сэрэниҥ!” диэн хас муннук аайы да үөгүлээтэхтэринэ, албыннаппыт дьон ахсаана аҕыйыа суох курдук... Ол туһунан ИДьМ нэдиэлэтээҕи субуоккалара сэһэргииллэр, дьон оҕуруктаах өйдөөх массыанньыктар угаайыларыгар киирэн биэрэн, нэдиэлэҕэ холбоон...
Сыаналаах түүлээҕи да солбуйар, туһалаах даҕаны
Дьон | 19.11.2023 | 16:00
Сыаналаах түүлээҕи да солбуйар, туһалаах даҕаны
Түүнү хатайдаан (валяние из шерсти) малы-салы оҥорон таһаарыы киһи аймах историятыгар 8000 сыл анараа өттүгэр үөдүйбүтэ диэн баар. Бэл, түүттэн хатайдаммыт бастакы көбүөр Ной ковчегар баара диэн номоххо кэпсэнэр. Билигин да олохпутугар киэҥник туттар боолдьохпут (войлок) эмиэ бу ньыма холобура. Оттон былыргы сахалар кылы, сиэли хаталлара эмиэ бу ньыманы кытта...