23.05.2022 | 13:00

Евгений Григорьев: «Тупсаран оҥоһуллубут Сайсары кытыла уонна Ийэ скверэ куораппытын тупсарыахтара»

Евгений Григорьев: «Тупсаран оҥоһуллубут Сайсары кытыла уонна Ийэ скверэ куораппытын тупсарыахтара»
Ааптар: Киин Куорат

Куорат баһылыга Евгений Григорьев 2023 сылга тупсарыллыахтаах уопсастыбаннай территориялары сүүмэрдээһин https://14.gorodsreda.ru/ федеральнай платформа рейтинговай куоластааһыныгар Сайсары кытылын уонна Ийэ скверин талла. Бу туһунан Олохтоох дьаһалта пресс-сулууспата иһитиннэрдэ.
«Сайсары ытык күөлүнэн ааҕыллар уонна сахаларга ураты суолталаах миэстэнэн буолар. Норуоппут үөскээн тахсыыта мантан саҕаламмыта. Ол иһин мин уонна чугас дьонум бэйэбит куоласпытын Сайсары кытылын уонна Ийэ скверин тупсаран оҥоруу иһин биэрдибит. Биһиги бу миэстэ куорат киинэ буолуон сөп, манна дьиэ кэргэнинэн мустан сынньанар буолуохпут дии саныыбыт. Өрөспүүбүлүкэбитигэр биллэриллибит Ийэ сылыгар куорат олохтоохторун куоласкытын Ийэ скверин тупсаран оҥоруу иһин биэриҥ диэн ыҥырабын. Бэйэм холобурбунан этэбин, куоластааһын 2-3 эрэ мүнүүтэни ылар. Эһиги куоласкыт көмөтүнэн бу эбийиэги тупсаран оҥордохпутуна куораппыт тупсуоҕа», - диэн эттэ олохтоохторго туһаайан Евгений Григорьев. 
Бүгүҥҥү күннээҕи туругунан 2023 сылга тупсарыллыахтаах уопсастыбаннай территориялары сүүмэрдээһиҥҥэ 12 тыһыынча кэриҥэ киһи куоластаабыт. Ким өссө кытта илик,  14-тэн аҕа саастаах гражданнар ыам ыйын 30 күнүгэр диэри https://14.gorodsreda.ru/ сайтка бэйэлэрин куоластарын биэриэхтэрин сөп. 
Сайсары кытылын уонна Ийэ скверин тупсаран оҥоруу бырайыага былырыыҥҥы куоластааһыҥҥа кыттыбыта, ол эрэн сөптөөх куолаһы ылбатаҕа. Бу сырыыга куорат олохтоохторугар кытылы уонна сквери тупсарыы иһин куоластарын биэрэргэ өссө биир түгэн тосхойдо.
Бырайыак быһыытынан эбийиэккэ күөл тула бэлисипиэттэх дьон сырыытын тэрийии,  Ийэ скверигэр сатыы дьон сылдьар суолун, Ойуунускай уулуссатыгар сатыы туоруур муостаны тутуу, итиэннэ  «Триумф» СК таһыгар спортивнай зонаны оҥоруу былааннанар. Сайсары күөл кытылын устун, «Триумф» СК таһыгар аһаҕас бассейннар уонна тыы станцията оҥоһуллуохтаах. Сүрүн зонаҕа воркаут-балаһааккалар, уулусса тренажердара, батуттар, баскетбол балаһаакката баар буолуохтара. Кытыл таһыгар, Спортивнай бэлэмнэнии киинин өттүттэн, спорт араас көрүҥнэригэр анаммыт 7 стендэлээх «Албан аат аллеята» оҥоһуллар. Аттыгар амфитеатр, оҕо балаһааккалара,  бэлисипиэттиир уонна сүүрэр суоллар баар буолуохтара. Территорияны тупсаран оҥоруу, суоллар уонна тротуардар хапытаалынай өрөмүөннэрэ, саҥа эбийиэктэр тутуулара, суол, сатыы сылдьар зона уонна спортивнай балаһааккалар сырдатыылара, Ийэ скверин хапытаалынай өрөмүөнэ былааннанар. Сквергэ сылаас павильон оҥоһуллуоҕа. 
Хайдах куоластыыбыт?
Куоластааһыҥҥа кыттарга «Судаарыстыбаннай өҥөлөр» порталга регистрация ирдэнэр.
Бастаан куоластааһын сайтыгар киириллэр, онтон «Судаарыстыбаннай өҥөлөр» портал нөҥүө авторизацияланар, онтон региону уонна куораты, салгыы сөбүлээбит эбийиэги талыллар.
Куоластааһыҥҥа кыттын. Хас биирдии куолас суолталаах! Дьокуускайбытын тупсарыаҕыҥ!

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Ойуур кыыллара киһиэхэ тахсаллара элбээтэ
Сонуннар | 14.06.2022 | 11:44
Ойуур кыыллара киһиэхэ тахсаллара элбээтэ
Саһыллар, эһэлэр ас көрдөөн айан суолларыгар икки атахтаахха бэйэлэринэн тахсаллара үксээбитин айылҕа харыстабылын үлэһиттэрэ иһитиннэрэллэр. Киһи айылҕа кыылын уун утары көрсөр түгэнигэр тугу гыныахтааҕый?   СӨ Быыһыыр сулууспата иһитиннэрбитинэн, дьиикэй кыылы көрсүүгэ хас да быраабыланы тутуһуохтаахпыт. Ол курдук, бастатан туран балаһыанньаны, тирээн кэлбит түгэни сөпкө сыаналыахха наада. Ойуур кыыллара киһи элбэхтэ...
БКЭ-ни 100 баалга туттарбыт оҕо ахсаана эбилиннэ
Сонуннар | 15.06.2022 | 19:43
БКЭ-ни 100 баалга туттарбыт оҕо ахсаана эбилиннэ
Биир кэлим эксээмэни нуучча тылыгар 100 баалга суруйбут оҕолор ааттара билиннэ: - Красиков Виталий, Элдьикээн орто оскуолата, Уус Майа; - Василения Иван, 26 №-дээх оскуола, Мииринэй; - Жукова Екатерина, Политехническай лицей, Мииринэй; - Сулайманов Биймырза, 12 №-дээх оскуола, Мииринэй; - Новогодина Анжелика, 5 №-дээх оскуола, Дьокуускай; - Иванова Даяна, Өрөспүүбүлүкэтээҕи...