06.10.2022 | 12:00

Евгений Григорьев суоллар уонна тиэргэннэр өрөмүөннэрин бэрэбиэркэлээтэ

Олохтоох дьаһалта пресс-сулууспата иһитиннэрбитинэн, куорат баһылыга Евгений Григорьев алтынньы 5 күнүгэр Жорницкай уул, 7/10 тиэргэн территориятын өрөмүөнүн, итиэннэ Маяковскай уонна Яков Потапов уулуссаларын хапытаалынай өрөмүөннэрин бэрэбиэркэлээтэ.
Евгений Григорьев суоллар уонна тиэргэннэр өрөмүөннэрин бэрэбиэркэлээтэ
Ааптар: Киин Куорат

«Главстрой» МХТ информациятынан, бүгүҥҥү күҥҥэ Жорницкай уул, 7/10 чугаһыыр суоллары уонна парковкалары аспааллыыллар, тротуардары оҥороллор. Аччыгый архитектурнай пуормалары (тренажердары, хачыаллары, ыскамыайкалары), оҕо балаһааккаларын хааччахтааһынын туруоруу алтынньы бүтэһигэр түмүктэниэхтээх.

Куорат баһылыга итини сэргэ Рыдзинскай уул., 18/3 уонна 18/4 дьиэлэрин саҥардыллыбыт тиэргэннэрин көрдө. Бу эбийиэккэ чугаһыыр суоллары уонна парковкалары аспааллаабыттар, тротуардары, газоннаах уонна эрэһиинэ көбүөрдээх оҕо балаһааккатын  оҥорбуттар, аччыгый архитектурнай пуормалары уонна бөҕү арааран мунньар пууну туруорбуттар.

Икки эбийиэккэ үлэни бэдэрээтчит «Сахакапитал» ХЭТ толорбут.

Строительнай уокурук Управатын салайааччыта Василий Рязанскай бэлиэтээбитинэн, уокурук олохтоохторо ыытыллар үлэҕэ көхтөөхтүк кытталлар уонна тиэргэн саҥардылларын үчүгэйинэн сыаналыыллар. Быйыл бу уокурук территориятыгар 22 элбэх кыбартыыралаах дьиэ тиэргэнэ тупсаран оҥоһулунна.

Салгыы Евгений Григорьев Маяковскай уул. Каландаришвили уул. Широких-Полянскайга диэри учаастагын бэрэбиэркэлээтэ. Эбийиэккэ инженернэй ситимнэри таһаарбыттар, компенсаторы уларыппыттар, аспаал бастакы дьапталҕатын уурбуттар, бордюру уонна сырдатыы тирээбиллэрин туруорбуттар. Бүгүҥҥү күҥҥэ ууну ыытар лотуоктары оҥороллор, тротуардары аспааллыырга бэлэмнэнэллэр. Эбийиэк бэлэмэ – 85%.

Яков Потапов уул. Кеша Алексеев уул. «Гимеин» кольцевой суолга диэри учаастакка бүттүүнүгэр буорун уларыппыттар, инженернэй ситимнэри таһаарбыттар, аспаал бастакы дьапталҕатын уурбуттар. Билигин суолтан түһэр сири аспааллыыллар, оптуобус «хармааннарын», бордюрдары, парковка павильоннарын, ууну ыытар лотуоктары уонна турбалары оҥороллор, сырдатыы тирээбиллэрин туруораллар. Эбийиэк бэлэмэ – 60%.

Икки эбийиэккэ үлэни бэдэрээтчит «РИК Автодор» АУо ыытар.

Куорат баһылыга Евгений Григорьев суолу оҥорооччуларга аспаал үөһээҥи дьапталҕатын ууруутун тэтимирдэн, өрөмүөнү болдьоҕор түмүктүүллэригэр сорудахтаата.

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...