02.02.2023 | 17:30

Евгений Григорьев спорт бэрэстэбиитэллэрин кытта көрүстэ

Евгений Григорьев спорт бэрэстэбиитэллэрин кытта көрүстэ
Ааптар: Киин Куорат
Бөлөххө киир

Дьокуускай куорат баһылыгын отчуоттарын чэрчитинэн спорт бэрэстэбиитэллэрин кытта көрсүһүү быйыл аан бастаан буолла. Мунньахха СӨ физическэй култуураҕа, спортка министиэристибэтин, спорт тэрилтэлэрин бэрэстэбиитэллэрэ уонна спорт бэтэрээннэрэ кыттыыны ыллылар. 

Биллэрин курдук, быйыл Саха сиригэр физкултуурунай хамсааһын тэриллибитэ 100 сыла бэлиэтэнэр. 
«2024-2025 сылларга биһиги спордунан тиһиктээхтик дьарыктанар нэһилиэнньэ ахсаанын бүгүҥҥү 44%-тан 55% таһаарыахтаахпыт. Бүгүн, өскөтө, куоракка 170 тыһыынча киһи физическэй култууранан уонна спордунан дьарыктанар буоллаҕына, икки сылынан быһа холоон 200 тыһыынча киһи чөл олоҕу систиэмэлээхтик тутуһуохтаах. Онуоха, биллэн турар, сөптөөх, аналлаах спорт саалалара баар буолуохтаахтар», - диир Евгений Григорьев.

Бу хайысхаҕа туох ситиһилиннэ? 2022 сылга Гагарин уокуругар бассейннаах, катоктаах баараҕай чэбдигирдэр комплекс үлэҕэ киирдэ, куорат уокуруктарыгар 12 воркаут-балаһаакка оҥоһулунна. 2026 сылга диэри куорат үрдүнэн 75 итинник балаһаакка туруохтаах. 
Бүгүн Хатас нэһилиэгэр бөдөҥ спортивнай комплекс тутулла турар, аны саас Сайсары уокуругар уус-уран гимнастикаҕа аналлаах комплекс тутуута саҕаланыаҕа.
Оҕо спортивнай оскуолаларын өрөмүөнүгэр быйылгыттан улахан болҕомто ууруллан, аҥаардас 2023 сылга бу сыалга 80 мөл. солк. көрүллүбүт. 
Чугастааҕы сылларга Пригороднай бөһүөлэгэр, Сайсары уокуругар спорт комплекстарын тутуу былааннанар.
Спорт бэрэстэбиитэллэрэ куорат баһылыгыттан сахаттан бастакы  олимпийскай чемпион Роман Дмитриев пааматынньыгар прожектордары туруоруу туһунан ыйытыыларыгар Евгений Григорьев итинник баараҕай үлэни ыытарга пааматынньыгы бастатан туран куорат балаансатыгар көһөрөн, харчы көрөр наадатын бэлиэтээтэ. 
Маны сэргэ үөрэнээччилэр атын куораттарга күрэхтэһиилэргэ кыттыыларын үбүлээһин кыаллабатын, спорт окуолаларын өрөмүөнэ маҥнайгы миэстэҕэ турарын бэлиэтээтэ. 
Гагарин уокуругар үлэҕэ киирбит саҥа спортивнай комплекс таһыгар оптуобус тохтобула уонна сатыы туоруур сир суоҕун эттилэр. Маны сэргэ Киин уокурукка Култуура уонна сынньалаҥ пааркатыгар «Доруобуйа ыллыгын», Владимировка бөһүөлэгэр хайыһар суолун, волейбол киинин тэрийэргэ этиилэр киирдилэр.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Волонтер эр дьон. Кинилэр кимнээҕий?
Дьон | 22.02.2024 | 11:20
Волонтер эр дьон. Кинилэр кимнээҕий?
Биһиги волонтердар тустарынан ордук пандемия кэмигэр истибиппит. Кинилэр ыалдьыбыт, кыаммат дьоҥҥо астарын, эмтэрин босхо тиэрдэн биэриигэ, араас соруктарга сылдьыбыттара. Волонтердар ойуур баһаардарыгар эмиэ күүстэрин харыстаабакка үлэлээбиттэрэ.
«Үрүҥ илгэ»: эдэр худуоһунньук Семен Нучеканов быыстапката
Сынньалаңңа | 18.02.2024 | 12:00
«Үрүҥ илгэ»: эдэр худуоһунньук Семен Нучеканов быыстапката
Олунньу 8 күнүттэн “Худуоһунньук дьиэтэ” галереяҕа эдэр худуоһунньук Семен Нучеканов “Үрүҥ илгэ” ааптарыскай быыстапката арылынна.
Дьахтар араастаах буолар эбит
Сынньалаңңа | 23.02.2024 | 14:00
Дьахтар араастаах буолар эбит
Сиимэ уол сааһа ыраатта, Саҥа дьыл саҕана отут биэһин туолбута. Бииргэ үөрэммит доҕотторо оҕо-уруу, дьиэ-уот тэринэн ырааппыттара. Онуоха эбии аҕата, биирдэ эмэ холуочуйдаҕына, чаал курдугунан көрөн олорон, ыал буолбакка сылдьарынан сирэй-харах анньара. Кырдьар сааска кэргэнэ суох соҕотох сылдьыы куһаҕанын өйдөтө сатыыра, ол кэннэ устунан ытаан барара. Ийэлэрэ барахсан ыалдьан, Сиимэ...