20.05.2023 | 12:34

Евгений Григорьев Сайсары уокуругар ыытыллыбыт тупсарыы үлэтин бэрэбиэркэлээтэ

Евгений Григорьев Сайсары уокуругар ыытыллыбыт тупсарыы үлэтин бэрэбиэркэлээтэ
Ааптар: Киин Куорат
Бөлөххө киир

2022 сылга «Уһук Илиҥҥэ - 1000 тиэргэн» федеральнай бырагырааманан оҥоһуллубут тиэргэннэр хаачыстыбаларын бэрэбиэркэлээһин иитинэн баһылык Евгений Григорьев бу сырыыга Сайсары уокуругун Лермонтов уул., 138/2, 138/3, 138/4, 156/2 тиэргэннэригэр сырытта. 
Лермонтов уул., 138/2, 138/3, 138/4 аадырыстарга аспаал ууруллубут, мастерфайбер, дьоҕус архитектурнай пуорма, оонньуур, спордунан дьарыктанар балаһааккалар оҥоһуллубуттар. Бэдэрээтчит «Основа» ХЭТ итэҕэстэри 2025 сылга диэри туоратар эбээһинэстээх.  
Ыйыллыбыт аадырыстарга муус устар 28 күнүгэр канализация турбатын үрдүнэн хас да сиринэн аспаал сиҥниитэ (20 мм диэри) уонна тротуар билиитэтин олоруута (25 мм диэри) бэлиэтэнэн турар. Бу итэҕэстэр бэс ыйын 15 күнүгэр диэри туоратыллыахтаахтар.
Эбийиэктэри иккистээн көрүүгэ олохтоохтор уулусса лаампалара үлэлээбэттэрин ыйдылар, маны сэргэ «сытар полицейскай» дэнэр суол хаарчаҕын оҥорорго көрдөһөллөр. Оттон көҕөрдүү үлэтин олохтоохтор бэйэлэрин күүстэринэн оҥорор былааннаахтар. 
Лермонтов уул., 156/2 тротуары уурууга итэҕэстэр бааллара билиннэ. Былырыын манна аспаал кутуллубут, искусственнай от, дьоҕус архитектурнай пуормалар, оонньуур, спордунан дьарыктанар балаһааккалар оҥоһуллубуттар. Быйыл вандаллар бөх кутар контейнердары алдьаппыттара бэлиэтэннэ. Оттон вандализм түгэннэрин чөлүгэр түһэрии бэдэрээттээх тэрилтэ эбээһинэһигэр киирбэт. 
Түмүккэ үөһээ ааттаммыт аадырыстар олохтоохторо Евгений Григорьевка уонна куорат дьаһалтатыгар ыытыллыбыт үлэҕэ уонна сирэй көрсүһүүлэрин иһин махталларын биллэрдилэр. Итиэннэ 152а уонна 138/5 №№-дээх дьиэлэр икки ардыларыгар суол оҥорорго көрдөстүлэр.
Көһө сылдьар мунньахха Сайсары управатын салайааччыта Владимир Слепцов, куорат кылаабынай архитектора Семен Сергеев, Куораты тутуу уонна тырааныспар инфраструктуратын департаменын бэрэстэбиитэлэ Егор Чемезов, «Главстрой» МХТ салайааччыта Алексей Варламов, бэдэрээттээх тэрилтэлэр уонна Салайар хампаанньалар салайааччылара кыттыыны ыллылар.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!