Евгений Григорьев Саха Өрөспүүбүлүкэтин судаарыстыбаннаһын Күнүнэн эҕэрдэлиир

Күндү куорат олохтоохторо!
Дьокуускай куорат Уокуруктааҕы дьаһалтатын уонна тус бэйэм ааппыттан Саха Өрөспүүбүлүкэтин судаарыстыбаннаһын Күнүнэн эҕэрдэлиибин!
Бу бырааһынньык өрөспүүбүлүкэбит устуоруйатыгар дьоһун түһүмэх саҕаламмытын кэрэһэлиир – судаарыстыбаннаһы бөҕөргөтүү уонна национальнай биир сомоҕо буолууну хааччыйыы. XX үйэ 90-с сыллара, Арассыыйа судаарыстыбатын уларыта тутар устуоруйа ирдэбилэ уонна дьон уларыта тутууга дьулуура бииргэ сомоҕолоһон, өрөспүүбүлүкэбит устуоруйатыгар төлкөбүтүн уларытар кэмнэр быһыытынан киирбиттэрэ. 
Бүгүн Саха Өрөспүүбүлүкэтэ социальнай-экономическэй сайдыы тэтиминэн Уһук Илин регионнарын ортотугар инники кирбиигэ сылдьар. Саха сирин киин куората, кини олохтоохторо бэйэлэрин үлэлэринэн РФ бөдөҥ субъегын экэниэмикэтэ үрдээһинигэр, Ийэ дойдубут бөҕө туруктаах, модун күүстээх буоларыгар  сүдү кылааттарын киллэрэллэр. 
Кэлэр сылга өрөспүүбүлүкэбит, Саха АССР 1922 сыллаахха тэриллэн, 100 сыллаах үбүлүөйүн бэлиэтиир. Ылыныллыбыт былааннар уонна туруоруллубут сыаллар ситиһиллиэхтэрэ диэн эрэнэбин: Дьокуускай ити историческай суолталаах күнү-дьылы тупсан, саҥа суоллардаах уонна дьиэлэрдээх, оскуолалардаах уонна балыыһалардаах, тиэргэннэрдээх уонна сквердэрдээх көрсүөҕэ. Хас биирдиибит бэйэтин үлэтинэн, күүһэ кыайарынан, уопсай дьыалаҕа кылаатын киллэриэҕэ!
Ытыктабыллаах Сахабыт сирин олохтоохторо! Эһиэхэ ситиһиилэри, чэгиэн доруобуйаны уонна этэҥҥэ буолууну баҕарабын. Саамай үтүө баҕа санааларбын эһиги аймах-билэ уонна чугас дьоҥҥутугар тиэрдэбин. 

«Дьокуускай куорат» куораттааҕы уокурук Баһылыга Евгений Григорьев