Евгений Григорьев кыһалҕалаах дьиэлээхтэр ыйытыыларыгар хоруйдаата

Ыам ыйын 24 күнүгэр баһылык Евгений Григорьев нэһилиэнньэни олорор дьиэ кыһалҕаларынан приемнаата.
Баһылык бастаан Рихард Зорге уул., 13 дьиэтин 1 куорпуһун олохтоохторун кытта көрүстэ. «Дьиэ-уот сыһыаннаһыыларыгар департамент» МХТ чахчытынан, дьиэ Олохтоох дьаһалта 2019 сыл ахсынньы 26 күнүнээҕи 2069 №-дээх дьаһалынан саахалланар туруктааҕынан көһөрүллэргэ ууруллубут.
«Дьиэ-уот сыһыаннаһыыларыгар департамент» МХТ дириэктэрин солбуйааччы Вадим Семенов бэлиэтээбитинэн, ыйыллар дьиэни көһөрөр туһунан быһаарыы 2017 сыл тохсунньу 1 күнүн кэннэ ылыллыбыт, онон билигин үлэлии турар өрөспүүбүлүкэтээҕи аадырыстаах бырагыраамаҕа хапсыбат. 
Онон бу дьиэни көһөрүү 2023 сылга эбии үбүлээһин көрүллэр түгэнигэр эрэ олоххо киирэр кыахтаах.
Пирогов уул., 5/1 олохтоохторун элбэх кыбартыыралаах дьиэлэрэ «дьон олорбот дьиэтэ» статустаах эбит. Кинилэр дьиэлэрин статуһун  уларыттарар көрдөһүүлээхтэр. Евгений Григорьев быһаарбытынан, дьиэни өрөмүөннүүр уонна дьон олорор дьиэтигэр көһөрөр сыалтан, икки маҥнайгы этээһи «Территориялары сайыннарыыга агентство» МУТ ылан, бастатан туран, өрөмүөн ыытыахтаах, онтон статуһа уларыйыахтаах.
Санатар буоллахха, баһылык гражданнары кытта эрдэттэн суруйтарыынан көрсөр. Көрсүһүүгэ суруйтарарга Сурук отделыгар эбэтэр Олохтоох дьаһалта тэрилтэлэригэр сайабылыанньа суруйуохха наада. Сайабылыанньаҕа быһаартарыахтаах боппуруоһу сиһилии ыйар уонна инники өттүгэр атын инстанцияларынан туох быһаарыы ылыллыбытын сыһыарар наада. Маны сэргэ тус дааннайдары ыйар ирдэнэр: төлөпүөн нүөмэрэ, электроннай аадырыс.
Сайабылыанньаны ыытар ньымалар:
– yakutsk@sakha.ru Олохтоох дьаһалта официальнай электроннай почтата;
– 40-80-76 төлөпүөнүнэн;
– Дьокуускай к., Ленин проспега, 15 аадырыска тиийэн;
– Сурук отделын аадырыһа: Дьокуускай к., Ленин проспега, 15, 113 кэб., үлэ күннэригэр сарсыарда 09:00 чаастан киэһэ 18:00 чааска диэри (эбиэккэ тохтобул – 13:00-14:00 чч.).