15.10.2021 | 14:30

Евгений Григорьев куорат олохтоохторун Бүтүн Арассыыйатааҕы нэһилиэнньэ биэрэпиһигэр кытталларыгар ыҥырда

Евгений Григорьев куорат олохтоохторун Бүтүн Арассыыйатааҕы нэһилиэнньэ биэрэпиһигэр кытталларыгар ыҥырда
Ааптар: Киин Куорат
Бөлөххө киир

Бүгүҥҥүттэн, алтынньы 15 күнүттэн сэтинньи 14 күнүгэр диэри,  Бүтүн Арассыыйатааҕы нэһилиэнньэ биэрэпиһэ саҕаланна. Дьокуускай куорат баһылыга Евгений Григорьев куорат олохтоохторун дойдубут инники сайдыытыгар дьоһун суолталаах тэрээһиҥҥэ көхтөөх кыттыыны ылалларыгар ыҥырда. 
«Биһиэхэ, Дьокуускай куорат олохтоохторугар, бу олус дьоһун суолталаах тэрээһин. Бүтэһик төгүлүн биэрэпис 2010 сыллаахха ыытыллыбыта. Ити кэм тухары элбэх уларыйыы таҕыста. Куораппыт Уһук Илиҥҥэ саамай түргэнник улаатар куоратынан буолар. Билигин хас киһи, ханна, хайдах олорорун туһунан чуолкай дааннайдары ылыахтаахпыт. Ити инники кэскилбит оҥкулун оҥоруоҕа – оскуолалар, оҕо уһуйааннарын, балыыһалар, суоллар тутууларыгар. Ол иһин нэһилиэнньэ биэрэпиһигэр көхтөөх кыттыыны ыларгытыгар ыҥырабын», – диэтэ  Евгений Григорьев Инстаграм ситимигэр https://www.instagram.com/p/CVAY1AztsO4/.  
Куорат баһылыга алтынньы 15 күнүттэн  сэтинньи 8 күнүгэр диэри Судаарыстыбаннай өҥөлөр сайтарыгар https://www.gosuslugi.ru/census. киирэн дистанционнай көрүҥүнэн суруйтарыахха сөбүн бэлиэтиир. Ити коронавирус пандемиятын кэмигэр уһулуччу суолталаах. 
Итини сэргэ стационарнай биэрэпис учаастагар эбэтэр дьиэҕэ, биэрэписчиги күүтэн суруйтарыахха сөп.

Сонуннар

Ордук ааҕаллар

Оҕуруо абылаҥар ылларбыт Роза Спиридонова
Дьон | 31.05.2024 | 14:00
Оҕуруо абылаҥар ылларбыт Роза Спиридонова
Роза Яковлевна Спиридонова Дьокуускай куорат 39 №-дээх «Ромашка» уһуйааныгар музыкальнай салайааччынан үлэлиир. Бүгүҥҥү сэһэргэһээччим, чахчы, талба талааннаах киһи. Кини оҕуруонан үлэлэрэ ханнык да көмүс оҥоһуктан хаалсыбаттар. Роза Яковлевна Ньурба Маалыкайыттан төрүттээх. Эбэтэ уонна ийэтэ суохтан баар оҥорор, кыраттан да элбэҕи айан таһаарар, эргэни саҥа тыынныыр сатабыллаах хаһаайкалар, көмүс тарбахтаах иистэнньэҥнэр...
Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...