Евгений Григорьев Губинскай уокурукка ыытыллар үлэни бэрэбиэркэлээтэ

Муус устар 17 күнүгэр баһылык Евгений Григорьев Губинскай уокурукка ыытыллар үлэ хаамыытын билистэ. 
Санатар буоллахха, уокурукка салгын сыттыктаах уу аалларыгар аналлаах «Намыв» ыстаансыйаҕа киирэр суол оҥоһуллар. Евгений Григорьев бэлиэтээбитинэн, үлэ график быһыытынан барар, бу күннэргэ буор кутуллар.
«Өҥөнү оҥорооччулары кытта пассажирдары манна аҕалар, мантан ылар туһунан кэпсэтии ыытыллыбыта. Ыстаансыйаҕа диэри трансфер биһиги эбээһинэспитигэр киирэр», – диир баһылык.
Губинскай уокурукка маны сэргэ куорат маастар-былаанынан тутуллар Роман Дмитриев аатынан кытылга үлэ барар. «Азия оҕолоро» НИСО диэри сөтүөлүүр сир бэлэм буолуохтаах, ол иһигэр массыына туруорар сир, сөтүөлүүр сиргэ түһэр суол саҥардыллыахтаахтар, диэн иһитиннэрэр Олохтоох дьаһалта пресс-сулууспата.