19.05.2023 | 20:00

Евгений Григорьев Губинскай уокурук тиэргэннэрин тупсарыы үлэтин бэрэбиэркэлээтэ

Евгений Григорьев Губинскай уокурук тиэргэннэрин тупсарыы үлэтин бэрэбиэркэлээтэ
Ааптар: Киин Куорат
Бөлөххө киир

Губинскай уокурукка баһылык Богатырев уул., 4/1 уонна Северная уул., 7 аадырыстарга сырытта. 
Богатырев уул., 4/1 дьиэтин олохтоохторо тиэргэни тупсарыыга ыытыллыбыт үлэҕэ махталларын биллэрэн туран, кэккэ итэҕэстэр баалларын ыйдылар. Ол курдук, өрөмүөн ыытыытыттан эмсэҕэлээбит күөх зонаны чөлүгэр түһэрэргэ этии киллэрдилэр. Маны сэргэ кыра учаастакка тротуар билиитэтэ алдьаммытын, уулусса банаардара үлэлээбэттэрин бэлиэтээтилэр. 
Евгений Григорьев нэһилиэнньэҕэ көҕөрдүү үлэтин Салайар хампаанньаны кытта быһаарар тоҕоостооҕун санатта. Манна даҕатан эттэххэ, баһылык көрсүбүт аадырыстарын олохтоохторун баһыйар өттө Салайар хампаанньаларын үлэтинэн дуоһуйбаттарын ыйаллар. Оттон Северная уул., 7 аадырыһын олохтоохторун этиилэринэн уокурук управата туһунан испииһэк оҥорон, хойутуу көрсүһэргэ болдьостулар. 
Көһө сылдьар мунньахха куорат баһылыгын кытта баһылыгы солбуйааччы Антон Алексеенко, Губинскай уокурук управатын баһылыгын э.т. Валентин Романов, «Главстрой» МХТ дириэктэрин солбуйааччы Василий Румянцев, бэдэрээтчит «Основа» ХЭТ, Олохтоох дьаһалта бэрэстэбиитэллэрэ кыттыыны ыллылар.
Санатар буоллахха, ыам ыйа бүтүөр диэри ааспыт 2022 сылга «Уһук Илиҥҥэ - 1000 тиэргэн» федеральнай бырагырааманан ыытыллыбыт 75 аадырыска барытыгар бэрэбиэркэ ыытылла турар.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.