16.05.2023 | 20:54

Евгений Григорьев былырыын өрөмүөннэммит тиэргэннэр туруктарын бэрэбиэркэлээн саҕалаата

Евгений Григорьев былырыын өрөмүөннэммит тиэргэннэр туруктарын бэрэбиэркэлээн саҕалаата
Ааптар: Киин Куорат
Бөлөххө киир

Бэнидиэнньикккэ, ыам ыйын 15 күнүгэр, Баһылык Евгений Григорьев 2022 сыллаахха «Уһук Илиҥҥэ - 1000 тиэргэн» федеральнай бырагырааманан Октябрьскай уонна Автодорожнай уокуруктарга оҥоһуллубут тиэргэннэр туруктарын бэрэбиэркэлээтэ.
Каландаришвили, 1 аадырыска аспаал, дьоҕус архитектурнай пуорма, оонньуур, спордунан дьарыктанар комплекстар оҥоһуллубуттар. Тутуу 2025 сылга диэри мэктиэлэнэр болдьохтоох. Бэдэрээттээх тэрилтэнэн «Основа» ХЭТ буолар. Олохтоохтор бүгүҥҥү күҥҥэ уулусса лаампата үлэлээбэтин бэлиэтииллэр. Онон тутааччы кэлэр нэдиэлэ эргэтин диэки ити итэҕэһи туоратар соругу туруорунна. 
Ленин пр., 46 дьиэтин тиэргэнигэр эмиэ суол аспаала, искусственнай от, дьоҕус архитектурнай пуормалар, оонньуур, спордунан дьарыктанар балаһааккалар туруоруллубуттар. Манна канализация турбата ааһар сиринэн аспаал «олорбута» (20 мм диэри) уонна тротуар сиҥнибитэ (25 мм диэри) бэлиэтэммит. Бу итэҕэстэри «Основа» ХЭТ бэс ыйын бүтүүтэ туоратыахтаах. Ону сэргэ эмиэ уулусса светильниктара үлэлээбэттэрэ этилиннэ. Ону бэдэрээтчит кэлэр нэдиэлэҕэ быһаарар буолла. 
Каландаришвили, 23/1 аадырыска дьоҕус архитектурнай пуормалары кытта сэттэ оонньуур уонна спордунан дьарыктанар комплекстар туруоруллубуттар. Үөһээҥҥи тутуулар курдук, үс сыл мэктиэлээх болдьохтоохтор. 
Сэргэлээх шоссетын, 1 дьиэтин тиэргэнигэр 2378 кв. м иэннээх аспаал, тротуар плитката ууруллубут, спорт балаһаакката туруоруллубут. Бэдэрээттээх тэрилтэ эмиэ «Основа» ХЭТ.
Бу сырыыга олохтоохтор куорат баһылыгар махтанан туран, АГАТУ тохтобулуттан дьиэҕэ диэри суолу куттарарга көрдөстүлэр. 
Көһө сылдьар мунньахха Октябрьскай уокурук управатын начаалынньыга Валентин Эверстов, Автодорожнай уокурук управатын салайааччыта Петр Попов, Куораты тутууга уонна тырааныспар инфраструктуратыгар департамент отделын начаалынньыга Егор Чемезов, «Главстрой», бэдэрээтчит, Салайар хампаанньалар уонна олохтоохтор кыттыыны ыллылар. 
Бу курдук ыам ыйа бүтүөр диэри былырыын өрөмүөннэммит 75 аадырыска барытыгар бэрэбиэркэ ыытыллара былааннанар.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.