04.05.2023 | 14:31

Евгений Григорьев баһаартан эмсэҕэлээбит дьиэ таһыгар суһал мунньаҕы ыытта

Евгений Григорьев баһаартан эмсэҕэлээбит дьиэ таһыгар суһал мунньаҕы ыытта
Ааптар: Киин Куорат
Бөлөххө киир

Бүгүн, ыам ыйын 4 күнүгэр, Дьокуускай куорат Ленин пр., 25 дьиэтигэр улахан баһаар турда. Тахсыбыт быһылаанынан баһылык Евгений Григорьев баһаартан эмсэҕэлээбит дьиэ таһыгар суһал мунньаҕы ыытта.
Мунньахха Дьокуускайдааҕы баһаарынай-быыһыыр гарнизон начаалынньыга Роман Мыльников, куорат баһылыгын солбуйааччы Егор Кардашевскай, Ыксаллаах быһыыга-майгыга управление начаалынньыга Николай Егоров кыттыыны ыллылар. 
Хамыыһыйа баһаар төрүөтүн дьүүллэстэ уонна уоттан эмсэҕэлээбит кыбартыыралары көрдө, суһал медицинскэй көмө иһитиннэриитин иһиттэ. Баһылык Евгений Григорьев эмсэҕэлээбит кыбартыыралар олохтоохторун кытта кэпсэтэн, бастакы уочарат ылыллар миэрэлэри, ол иһигэр дьиэ эркинин чөлүгэр түһэрии, подъеһы ыраастааһын туһунан иһитиннэриини тиэртэ. 
Салайар хампаанньа, өҥөнөн хааччыйар тэрилтэлэр суһаллык туһааннаах дьаһаллары  ыларга сорудахтаннылар. Бүгүн Олохтоох дьаһалтаҕа бу түбэлтэнэн мунньах ыытылларын туһунан иһитиннэрдэ. 
Бэлиэтээн эттэххэ, Ленин пр.,25 дьиэтигэр баһаар «Илин Эҥэр» маҕаһыынтан турда. Уот маҕаһыын сарайыттан чугастааҕы балконнарга ыстанан, хас даҕаны кыбартыыра улаханнык эмсэҕэлээтэ.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!