Евгений Григорьев Арассыыйа Судаарыстыбаннай былааҕын күнүнэн эҕэрдэлээтэ
Үөрүүлээх тэрээһиҥҥэ СӨ баһылыгын уонна бырабыыталыстыбатын дьаһалтатын салайааччыта Георгий Михайлов, өрөспүүбүлүкэ Ыччат дьыалаларыгар уонна социальнай коммуникацияларга миниистирэ Петр Шамаев, Дьокуускай куораттааҕы Дуума Бэрэссэдээтэлин бастакы солбуйааччы Евдокия Евсикова кытыннылар.
Евгений Григорьев эҕэрдэ тылыгар Арассыыйа символа – былаах үүнэр көлүөнэни патриотизм, гражданственнас тыыныгар, Ийэ дойдубут кэскилигэр эппиэтинэстээх буолууга иитэрин бэлиэтээтэ. Былаах көҥүлү, тутулуга суох буолууну уонна Аҕа дойдубут историятын уонна кэскилин сомоҕолуур сүдү күүс.
«Бу Арассыыйа олохтоохторун бары көлүөнэтин бырааһынньыга, улуу дойдубут историятыгар ытыктабылбытын биллэрэр күн. Арассыыйа былааҕа үөрэххэ уонна үлэҕэ үрдүк сыаллары ситиһэрбит курдук хас биирдиибит өйбүтүгэр уонна сүрэхпитигэр баар буолуохтаах. Бүгүн былаахпыт уонна дойдубут модун күүһэ хас биирдиибититтэн тутулуктаах», - диэтэ Евгений Григорьев.
СӨ баһылыгын уонна бырабыыталыстыбатын дьаһалтатын салайааччыта Георгий Михайлов былаах Арассыыйаҕа олорор араас омуктары сомоҕолуурун бэлиэтээтэ.
«Билигин, уустук кэмҥэ, үгэстэри күүһүрдүөххэ, Ийэ дойдубутун таптыахха, дойдубут символларыгар харыстабыллаахтык сыһыаннаһыахха уонна ити тапталы оҕолорбутугар, сиэннэрбитигэр иҥэриэххэ наада. Арассыыйа Федерациятын былааҕын анныгар биһиги дойдубут улуу кэскилин түстүөхтээхпит», — диэтэ Георгий Михайлов.
Судаарыстыбаннай былаах – триколор күнэ 1991 сыллаахха төннөрүллүбүтэ, 1994 сылтан бэрэсидьиэн ыйааҕынан Былаах күнүн быһыытынан бэлиэтэнэр.
Сонуннар
Ордук ааҕаллар
