23.12.2021 | 12:00

Энергетиктары идэлээх бырааһынньыктарынан эҕэрдэлээтилэр

Энергетиктары идэлээх бырааһынньыктарынан эҕэрдэлээтилэр
Ааптар: Киин Куорат
Бөлөххө киир

Ахсынньы 22 күнүгэр Уокуруктааҕы дьаһалтаҕа энергетик Күнүгэр аналлаах үөрүүлээх тэрээһин буолла. Ити эйгэ бастыҥ үлэһиттэрин идэлээх күннэринэн Дьокуускай баһылыгын куорат хаһаайыстыбатын боппуруостарыгар солбуйааччы Егор Кардашевскай, Дьокуускай куораттааҕы Дуума бэрэссэдээтэлин бастакы солбуйааччы  Евдокия Евсикова, ОДьКХ уонна энергетикаҕа Департамент начаалынньыгын эбээһинэһин толорооччу Максим Шомоев эҕэрдэлээтилэр. Ол туһунан Уокуруктааҕы дьаһалта пресс-сулууспата иһитиннэрдэ.
Баһылыгы куорат хаһаайыстыбатын боппуруостарыгар солбуйааччы Егор Кардашевскай өрөспүүбүлүкэ киин куоратын сайдыытыгар энергетиктар ураты кылааттарын бэлиэтээтэ. 
«Энергетиктар үлэлэрин суолтатын сыаналыырга уустук, кинилэр сыралаах үлэлэрэ – дьиэлэргэ, оскуолаларга, балыыһаларга, офистарга сылааһы биэрии. Энергетик Күнэ – энергетическай систиэмэлэргэ бары сыһыаннаах дьон бырааһынньыга. Итини сэргэ бу бүгүҥҥү күҥҥэ энергетика эйгэтин эппиэтинэстээх постарыгар баар үлэһиттэр бырааһынньыктара», – диэтэ баһылык солбуйааччыта уонна киин куорат ОДьКХ уонна энергетикатын бастыҥ үлэһиттэригэр  «Дьокуускай куорат Бочуоттаах энергетига» бэлиэлэри туттартаата. 
Өр сыллаах сыралаах үлэлэрин уонна энергетика эйгэтигэр өҥөлөрүн иһин «Дьокуускай куорат Бочуоттаах энергетига» бэлиэлэринэн «Теплоэнергосервис» АУо киин диспетчерскэй сулууспатын начаалынньыга Владимир Бок, «Якутскэнерго» ПАУо Киин электрическэй ситимнэр филиаллара – электрическэй ситимнэр Киин оройуоннарын үрдүк күүрүүлээх подстанцияларын сулууспатын начаалынньыга Олег Булдаев, «Горсвет» МУТ электрическэй ситимнэрин Сулууспатын электромонтера Антон Ермаков, «Якутскэнерго» ПАУо Табаҕатааҕы учаастагын начаалынньыга Владимир Кочетов уонна «Пригородная теплосетевая компания» МУТ Кангалаастааҕы учаастагын маастара Николай Крякушин наҕараадаланнылар. 
Дьокуускай куораттааҕы Дуума дьокутааттарын аатыттан энергетик Күнүнэн Дьокуускай куораттааҕы Дуума бэрэссэдээтэлин бастакы солбуйааччы  Евдокия Евсикова эҕэрдэлээтэ.
«Энергетик Күнэ – дьоһун суолталаах идэлээх бырааһынньык. Элбэх араас идэттэн энергетик саамай наадалаах, дьоһун суолталаах, ирдэнэр идэ буолар. Ордук биһиги хотугу кыраайбытыгар эһиги идэҕит сүдү суолталаах. Бары энергетиктарга куорат уонна өрөспүүбүлүкэ олохтоохторун туһугар үлэҕит иһин махтанабын», – диэтэ  Евдокия Евсикова.
Өр сыллаах сыралаах үлэлэрин уонна энергетика эйгэтигэр өҥөлөрүн иһин «Дьокуускай куорат Бочуоттаах энергетига» бэлиэлэри «Теплоэнергия» АУо электромонтера Дмитрий Литвинцевка, «СӨ ОДьКХ» ГУТ «Коммункомплектация» Филиалын старшай маастарыгар Сергей Мараевка, «Горсвет» МУТ электромонтера Евгений Толстяковка, «Якутскэнерго» ПАУо Дьокуускайдааҕы ТЭЦ станциятын старшай начаалынньыга Сергей Филипповка туттардылар.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Волонтер эр дьон. Кинилэр кимнээҕий?
Дьон | 22.02.2024 | 11:20
Волонтер эр дьон. Кинилэр кимнээҕий?
Биһиги волонтердар тустарынан ордук пандемия кэмигэр истибиппит. Кинилэр ыалдьыбыт, кыаммат дьоҥҥо астарын, эмтэрин босхо тиэрдэн биэриигэ, араас соруктарга сылдьыбыттара. Волонтердар ойуур баһаардарыгар эмиэ күүстэрин харыстаабакка үлэлээбиттэрэ.
«Үрүҥ илгэ»: эдэр худуоһунньук Семен Нучеканов быыстапката
Сынньалаңңа | 18.02.2024 | 12:00
«Үрүҥ илгэ»: эдэр худуоһунньук Семен Нучеканов быыстапката
Олунньу 8 күнүттэн “Худуоһунньук дьиэтэ” галереяҕа эдэр худуоһунньук Семен Нучеканов “Үрүҥ илгэ” ааптарыскай быыстапката арылынна.
Дьахтар араастаах буолар эбит
Сынньалаңңа | 23.02.2024 | 14:00
Дьахтар араастаах буолар эбит
Сиимэ уол сааһа ыраатта, Саҥа дьыл саҕана отут биэһин туолбута. Бииргэ үөрэммит доҕотторо оҕо-уруу, дьиэ-уот тэринэн ырааппыттара. Онуоха эбии аҕата, биирдэ эмэ холуочуйдаҕына, чаал курдугунан көрөн олорон, ыал буолбакка сылдьарынан сирэй-харах анньара. Кырдьар сааска кэргэнэ суох соҕотох сылдьыы куһаҕанын өйдөтө сатыыра, ол кэннэ устунан ытаан барара. Ийэлэрэ барахсан ыалдьан, Сиимэ...