25.05.2022 | 16:00

Элбэх оҕолоох ыалларга судаарыстыба көмөтө улаатар

Элбэх оҕолоох ыалларга судаарыстыба көмөтө улаатар
Ааптар: Киин Куорат
Бөлөххө киир

Быйыл, 2022 сылга, социальнай төлөбүрүнэн туһанар сокуоннай саастарын туола илик биэс эбэтэр онтон элбэх оҕолоох ыал ахсаана икки төгүл элбээтэ. Бу туһунан Саха Өрөспүүбүлүкэтин Үлэҕэ уонна социальнай сайдыыга министиэристибэтин пресс-сулууспата иһитиннэрдэ.
Социальнай төлөбүрү киин куораттан 5 эбэтэр онтон элбэх оҕолоох 124 ыал, 14 муниципальнай оройуоннартан, итиэннэ Сунтаар уонна Ленскэй улуустарыттан сокуоннай саастарын туола илик 10 уонна онтон элбэх оҕолоох 2 ыал ылыахтара. Итинник информацияны Бырабыыталыстыба Бэрэссэдээтэлэ Кирилл Бычков салайааччылаах, 5 уонна онтон элбэх, сокуоннай саастарын туола илик  10 уонна онтон элбэх оҕолоох ыалларга биир кэмнээх социальнай төлөбүрү биэрии боппуруостарыгар сыһыаннаах Өрөспүүбүлүкэтээҕи хамыыһыйа мунньаҕар Саха Өрөспүүбүлүкэтин үлэҕэ уонна социальнай сайдыыга миниистирин солбуйааччы Елена Теплякова иһитиннэрдэ.  
Бэлиэтэммитинэн, ааспыт сылга тэҥнээтэххэ быйыл 5 уонна онтон элбэх оҕолоох дьиэ кэргэн ахсаана икки төгүл элбээтэ, 2022 сылга социальнай төлөбүргэ өрөспүүбүлүкэ бүддьүөтүттэн 500 мөлүйүөн солкуобай көрүлүннэ. 
Манна даҕатан эттэххэ, былырыын 5 эбэтэр онтон элбэх оҕолоох ыалтан 56-та 199,2 мөлүйүөн солкуобайга олорор усулуобуйатын тупсарбыт. Саха Өрөспүүбүлүкэтин Ил Дархана Айсен Николаев Бырабыыталыстыба иннигэр 5 сыл иһигэр сокуоннай саастарын туола илик 5 эбэтэр онтон элбэх оҕолоох ыаллар социальнай төлөбүрү ылар уочараттарын суох гынар соругу туруорбута.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...