07.02.2021 | 17:40

Эко-бизнес — аныгы кэм суолдьута

Эко-бизнес — аныгы кэм суолдьута
Ааптар: Киин Куорат
Бөлөххө киир

ЭКО – бу үс буукуба биһиги олохпут-дьаһахпыт чөл туруктаах буолуутун түстүүр.

Экология айгырааһына, аан дойдуга буортулаах эттик элбээһинэ, бэл, араас дьиибэ ыарыылар тарҕаныылара кытта мантан тутулуктаах диэн сабаҕалыыллар.

Бүгүҥҥү сэһэргэһээччим Сардаана Тарасова ханнык хайысхалаах эко-бизнеһи тэринэн үлэлии олорорун ааҕааччыларбар кэпсииргэ соруннум.  

Сардаана, бизнескин хаһан арынныҥ этэй?

— Ааспыт сылга бизнес-оскуолаҕа үөрэнэ киирэрбэр предприниматель буоларга санаммытым. “Самозанятай” быһыытынан регистрацияламмытым уонна социальнай ситимҥэ маҕаһыын аккаунун арыммытым. Бэйэм үппүнэн  стабилизацияламмыт муоҕу булбутум.

Бу иннинэ ханна үлэлээбиккиний, онтон тоҕо бардыҥ?

— Үрдүк үөрэҕи бүтэрэн баран 10-ча сыл бүддьүөт тэрилтэлэригэр үлэлээбитим. Ис санаабар куруук айыахпын-тутуохпун баҕарар этим. Ол иһин үлэбиттэн  уурайан, бэйэ бизнеһин тэрийэргэ түһүммүтүм. Билигин эко-дизайнер быһыытынан үлэлии-хамсыы сылдьабын.

ЭКО-дизайн кэлиҥҥи кэмнэргэ сүрдээҕин сайынна, иһиттэх ахсын ЭКО диир буоллулар.

— Экологическай кыһалҕа, айылҕа ресурсаларын хааччахтааһын боппуруоһа үгүстүк турар. Урут дьон ол туһунан санаабат эбит буоллаҕына, билигин дьон-сэргэ айылҕаҕа ордук чугас. Аан дойду дьоно  сир-халлаан ыраас буоларыгар баҕарар, сырдыкка тардыһар буоллулар. Оннук баҕа санаалар дизайнерга эмиэ сабыдыаллаатылар. Хас да сыл анараа өттүгэр нэһилиэнньэ пластикка, полимердарга уонна акрилга тардыһыытын кыччатыы улаатан барбыта. Дьоҥҥо-сэргэҕэ айылҕа матырыйаалларын көмөтүнэн эбэтэр идэтийбит ньыманан оҥоруохха сөп диэн өйдөбүл үөскээтэ. Билиҥҥи кэмҥэ ону ааһан эко-истиил баар буолла.

Эко-дизайнер быһыытынан дьарыктанаҕын, муоҕу хантан аҕалтараҕыный?

— Москва куораттан ылабын, тустаах сертификацияны ааспыт Норвегия муоҕун сакаастыыбын.

Стабилизированнай̆ муох диэн тугуй?

— Стабилизированнай̆ муох диэн анал технологиянан оҥоһуллубут муоҕу ааттыыбыт. Тыаҕа үүнэр айылҕа бэйэтин муоҕа буолар.

Бигэ туруктаах технология көмөтүнэн, тыыллыгас уоҕурдуу, хас да сылга тиийэ тыыннаах турар.

Тыыннаах муохтан уратыта суох дуо?

— Суох. Стабилизацияламмыт муоҕу үксүн дьиэни-уоту тупсарыыга уонна көҕөрдүүгэ тутталлар.

Дьон доруобуйатыгар хайдах дьайарый, куттала суох дуо?

— Киһи доруобуйатыгар олох буортута суох.Глицерин оҥорон таһаарар суурадаһына экологичнай буолар. Ол иһин дьоҥҥо уонна харамайга буортута суох. Кырааскатын туһунан эттэххэ, аһылыкка туттуллар кыраасканан биһэбит.

Сакаас бөҕө киирэр эбит, туох диэн түмүгү оҥоһуннуҥ?

— Стабилизацияламмыт муохха интэриэс хойут үөскээбит буолан, интерьергэ күөх декор элеменнэрин киллэрииттэн саҕаламмыта. Мантан сиэттэрэн эттэхпинэ, бу бизнес саҥа сайдан эрэр. Аҕыйах кэминэн түмүк оҥостуом. Эко-дизайнер быһыытынан эттэхпинэ, кэнники кэмҥэ дьиэ бөҕөтө тутуллар, эдэр дьон кыбартыыра ылыналлара үксээтэ. Мин санаабар, олох таһыма үрдээбитэ көстөр. Хас иккис ыал үчүгэй өрөмүөннээх, дизайннаах дьиэни оҥостор буолла. Дьиэ иһэ сибиэһэй сыттаах, күөх көстүүлээх буоларыгар тардыһар дьон элбээтэ. 

Муоҕу ордук аныгы кыбартыыраларга киэргэтэн ууралларын бэлиэтии көрдүм уонна үксүн сахалар күөххэ наадыйаллар эбит дии санаатым.

— Айылҕаҕа чугас буолуон баҕалаах, аныгы идиэйэлээх дьон муоҕу интерьергэ киллэрэр. Бастатан туран, офистарга уонна уопсастыбаннай сирдэргэ, чааһынай дьиэҕэ-уокка да туһаныахха, туруоруохха  сөп.  Муох салгыны ыраастыыр, куһаҕан сыты-сымары суох оҥорор, микроэлеменнэри мунньар уонна уопсайынан, организмҥа үчүгэй дьайыылаах.

Саҥа үүммүт сылга ханнык бизнес кэскиллээх дии саныыгын?

— Мин көрүүбэр, быйыл туризмы сайыннарыыга уонна доруобуйаны бөҕөргөтүүгэ аналлаах бизнес ордук көдьүүстээх.

Саҥа тэринээччилэргэ тугу этиэҥ этэй?

— Саҥа саҕалыыр предпринимателлэргэ таптыыр дьыалаларын олоххо бигэтик киллэрэллэригэр баҕарабын. Хас биирдии киһи тугунан дьарыктанара – бэйэтин көҥүлэ.

Сардаана, бэйэҥ суолгун булбуккунан эҕэрдэлиибин, өссө даҕаны бизнеһиҥ сайда, чэчирии турарыгар баҕарабын.  

Сонуннар

07.12.2023 | 10:00
Сокуон-тойон

Ордук ааҕаллар

Афанасий Романов:  «Сорох үлэбин ситэрэргэ үөһэттэн күүс киирэр»
Дьон | 30.11.2023 | 16:00
Афанасий Романов: «Сорох үлэбин ситэрэргэ үөһэттэн күүс киирэр»
Бүгүҥҥү кэпсиир киһим – “СӨ худуоһунньуктарын айар сойууһа” уопсастыбаннай тэрилтэ бэрэссэдэтээлэ, СӨ норуодунай худуоһунньуга, СӨ искусствотын үтүөлээх деятелэ, РФ үтүөлээх худуоһунньуга, Дьокуускай куорат бочуоттаах олохтооҕо Афанасий Афанасьевич Романов. Сэтинньи ыйга Дьокуускай куорат 203-с түөлбэтигэр 24 №-дээх «Сардаана» оҕо саадын кэлэктиибин көҕүлээһининэн уонна төрөппүттэр, уопсастыбаннас өйөбүллэринэн Саха сирин историятыгар бастакы уонна...
Саха сирин 2024 сыллааҕы бүддьүөтүн сокуона ылылынна
Сонуннар | 01.12.2023 | 15:00
Саха сирин 2024 сыллааҕы бүддьүөтүн сокуона ылылынна
Ил Түмэн мунньаҕар, тиһэх иккис ааҕыыга, Саха Өрөспүүбүлүкэтин 2024 уонна былааннаммыт 2025-2026 сыллардааҕы судаарыстыбаннай бүддьүөтүн туһунан сокуона ылылынна.
Тотоойу бүлүүдэлэри ким баҕарар астыан сөп
Тускар туһан | 26.11.2023 | 12:00
Тотоойу бүлүүдэлэри ким баҕарар астыан сөп
Аныгы сайдыылаах үйэҕэ маҕаһыынтан талбыт аспытын бэлэми атыылаһан аһыахпытын сөп. Ол эрээри хас биирдии хаһаайка ис дууһатын, сүрэҕин сылааһын ууран бэйэтэ бэлэмниир аһа хаһан даҕаны ордук минньигэс уонна тус уратылаах буолар. Онон, күннээҕи түбүккүтүттэн быыс булан, дьиэ кэргэҥҥитин бэйэ буһарбыт судургу аһынан күндүлээн үөрдэргэ кыһаллыҥ.   Эттээх розалар Фарш састааба: эриллибит...
Мас тардыһыытын айти технология тупсарыаҕа
Дьон | 01.12.2023 | 10:00
Мас тардыһыытын айти технология тупсарыаҕа
Оскуола биэрэр билиитин таһынан оҕолору дьоҕурдарынан, талааннарынан, туохха тыыппалаахтарынан көрөн эбии үөрэхтээһини тэрийии киин куораппытыгар үрдүк таһымҥа барар. Бу күннэргэ Дьокуускай куорат Оҕо айымньытын дыбарыаһын “Кванториум” технопааркатын иһинэн үлэлиир “IT-Энерджи” куруһуок уһуйуллааччыта Арсений Колесов уонна салайааччыта Денис Алексеевич Данилов “Мас тардыһыытыгар аналлаах модифицированнай тэрил” диэн бырайыактарыгар патент ылары ситистилэр.   Патеннаммыт...