Егор Кардашевскай Чернышевскай уулуссатыгар көһө сылдьар мунньаҕы тэрийдэ

Олохтоох дьаһалта пресс-сулууспата иһитиннэрбитинэн, баһылыгы куорат хаһаайыстыбатын боппуруостарыгар солбуйааччы Егор Кардашевскай, Чернышевскай уулуссатыгар суол болотунатын уонна чугаһынааҕы территориялары чөлүгэр түһэриинэн көһө сылдьар мунньаҕы тэрийдэ.

Чернышевскай уулуссатын учаастагар коллекторы оҥоруу уонна гаас ситимин уларыы тиһэх түһүмэҕэ ыытыллар.

Мунньахха «Куорат хаһаайыстыбатын үлэлэтэр сулууспа» МХТ, «Водоканал» АУо, «Сахатранснефтегаз» АУо уонна бэдэрээтчит тэрилтэлэр кытыннылар.

Көрүү-истии түмүгүнэн тротуардарга уонна суол кутуллубут учаастагар итэҕэстэр бааллара билиннэ. Хас биирдии итэҕэһинэн боротокуол толорулунна, онно олоҕуран учаастак эппиэттээх тэрилтэлэрэ уулусса-суол ситимин чөлүгэр түһэриэхтэрэ. Итэҕэстэри туоратыы болдьоҕо – бу сыл алтынньы 31 күнүгэр диэри. Суол аспаал бүрүөһүнүн чөлүгэр түһэрии кэлэр сылга, тутуу сезона саҕаланнаҕына ыытыллар буолла.