Эдэр ыалларга дьиэ атыылаһарга субсидия бэриллэр

Куорат дууматын ыччат политикатыгар, физическэй култуураҕа уонна спорка сис кэмитиэтэ «Молодежь. Семья. Спорт. Здоровый город на 2020-2024 гг.» муниципальнай бырагыраама 2023 сыл бастакы аҥаарыгар олоххо киириитин дьүүллэстэ. 
Олохтоох дьаһалта Физическэй култуураҕа уонна спорка управлениетын начаалынньыга Эдуард Ефимов бэлиэтээбитинэн, сыл бастакы аҥаарын сүрүн соруктарынан куорат хамаандатын XIV-с «Дьулуур» спорт адаптивнай көрүҥнэригэр спартакиадаҕа,   «Юные якутяне» үөрэнээччилэр спартакиадаларыгар уонна II-с «Азия оҕолоро» кыһыҥҥы оонньууларга блэмнээн кытыннарыы буолбуттар. 
Ол курдук, сыл бастакы аҥаарыгар уопсайа 77 араас тэрээһин ыытыллан, 3,6 тыһ. киһи хабыллыбыт. Дьокуускай куорат сүүмэрдэммит хамаандалара ыытыллыбыт өрөспүүбүлүкэ иһигэр, Арассыыйа таһыгар күрэхтэһиилэртэн 1094 мэтээли аҕалбыттар.
«Дьиэ-уот сыһыаннаһыыларыгар департамент» МХТ дириэктэрэ Евгения Пак иһитиннэрбитинэн, «Молодежь. Семья. Спорт. Здоровый город на 2020-2024 гг.» муниципальнай бырагыраама «Обеспечение жильем молодых семей» хос бырагырааматынан эдэр ыалларга дьиэ сыанатын 30-35% тиийэ кээмэйдээх социальнай төлөбүр оҥоһулларын эттэ. 2023 сылга уопсайа 15 ыалга итинник төлөбүрү оҥорорго быһаарбыттарыттан 10 дьиэ кэргэн номнуо туһаммыт, диэн иһитиннэрэр Дьокуускай куорат Дууматын пресс-сулууспата.