20.03.2024 | 13:30

Эдэр исписэлиис кыаҕа кэҥиэҕэ

Эдэр исписэлиис кыаҕа кэҥиэҕэ
Ааптар: Уйгулана БОЧОНИНА
Бөлөххө киир

Кулун тутар 13 күнүгэр Судаарыстыбаннай Дуума “эдэр исписэлиис” өйдөбүлүн кэҥэтэр, ону таһынан “эдэр үлэһит” диэн саҥа өйдөбүлү киллэрэр сокуон бырайыагын бастакы ааҕыыга ылынна.

 

«Ыччат бэлиитикэтин туһунан» сокуоҥҥа уларытыы сыала — эдэр исписэлиистэри карьера оҥосторго көҕүлээһин итиэннэ үлэҕэ киирэллэригэр мэһэйдэри туоратыы.

Өйдөбүллэр туһунан эттэххэ, “эдэр исписэлиис” диэн өйдөбүл сокуоҥҥа 2020 сылтан киирбитэ. Эдэр исписэлииһинэн 35 сааһыгар диэри үрдүк/орто үөрэҕи бүтэрбит уонна чопчу ол үөрэҕинэн саҥа үлэлии киирбит киһи буолар. Ол эрээри үөрэх кэмигэр үлэлии киирбит уонна үөрэх кэнниттэн салгыы үлэлиир устудьуоннар эдэр исписэлииһинэн ааҕыллыбаттар уонна эбии төлөбүрү, чэпчэтиилэри ылбаттар.

Ол иһин саҥа уларытыы итини суох гыныахтаах.

 

«Биир өттүнэн — эдэр дьону үөрэх кэмигэр үлэҕэ тардыыга болҕомто ууруллар, онтон иккис өттүнэн — кинилэр эдэр исписэлиис буолар кыахтара сүтэр», — диэн быһаарар сурукка этиллэр.

Ону таһынан докумуон “эдэр үлэһит” өйдөбүлү киллэрэр.

“hh.ru ыыппыт ыйытынньыгын түмүгүнэн, 2583 киһиттэн 33% эрэ талбыт үөрэҕинэн үлэлиир, өссө 29% ыкса сибээстээх хайысхаларга үлэлиир уонна 39% атын идэни талбыт,— диэн ааптардар быһаараллар. — Ону кытары билигин атын хайысхаларга үлэлии сылдьар дьонтон улахан аҥаара (58%) бастаан утаа дипломнарынан үлэҕэ киирэ сатаабыттар, ол эрээри 46% кыра хамнастан, 33% кэскили көрбөттөрүттэн, 24% үлэ усулуобуйа мөлтөҕүттэн сылтаан уурайаллар эбит”.

 

Онон, идэлэринэн үлэлээбэт ыччаттар «эдэр үлэһит» диэн ааттаныахтарын сөп. Онуоха аан бастакытын үлэлии киирбит тэрилтэтигэр үс сыл устата  эбии төлөбүрдэри уонна чэпчэтиилэри ылыахтарын сөп.

“Эдэр исписэлиис” өйдөбүлүн хаҥатыы үөрэх кэмигэр үлэ уопутун ылары көҕүлүүргэ, ону тэҥэ официальнайа суох үлэлээх устудьуоннарга эдэр исписэлиискэ анаммыт өйөбүл миэрэтин ыларга көмөлөһөр. Уонна “эдэр үлэһиттэр” саҥа талбыт идэлэринэн эбии көмө ылаллара салгыы сайдалларыгар күүс буолуоҕа.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Тустууга уларыйыылары күүтэллэр
Дьон | 30.03.2024 | 12:00
Тустууга уларыйыылары күүтэллэр
Хаһыаппыт бүгүҥҥү ыалдьыта – ССРС көҥүл тустууга аан дойду кылаастаах бүтэһик спорт маастара, Улуу Коркин сүмэлээх сүбэтин истибит, Таилиҥҥа тиийэ тренердээбит Михаил Протопопов. Михаил  Егорович «Киин куорат» хаһыат ааҕааччыларын кытта уһуйуллубут тренердэрин, көбүөргэ умнуллубат киирсиилэрин туһунан, тустууну сайыннарыыга тус көрүүлэрин үллэстэр.   – Михаил Егорович, үтүө күнүнэн! ССРС саҕана тыа сирин...
«Эн эмиҥ аттыгар үүнэр...»
Дьон | 30.03.2024 | 10:00
«Эн эмиҥ аттыгар үүнэр...»
Светлана Ивановна Попова – Нам улууһун Хатырык нэһилиэгин олохтооҕо, түөрт оҕо иһирэх ийэтэ, элбэх сиэн эйэҕэс эбэтэ. Кини Максим Аммосов төрөппүт кыыһа Лена Аммосованы, эдьиийэ Наталья Кировна кыыһа Мария Охлопкованы кытта өр сыллаах истиҥ сыһыаннарын сэһэргээтэ. 80-гар чугаһаабыт ытык кырдьаҕастан Саха сирин эмтээх үүнээйилэрин хомуйар ураты дьарыгын эмиэ туоһуластыбыт, ааҕааччыларбытыгар...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...