Дзержинскэй уулуссатыгар участковайга пааматынньык туруоҕа
«Россия 24» телевизионнай ханаал быһа биэриитигэр киин куорат кылаабынай архитектора Семен Сергеев иһитиннэрбитинэн, Дьокуускай куорат Дзержинскэй уулуссатыгар үлэлэрин чиэстээхтик уонна үтүө суобастаахтык толорбут Саха сирин участковай уполномоченнайдарыгар пааматынньык туруоруллуоҕа.
«Ити куорат скульптурата буолуоҕа, ол аата тротуар үрдүгэр постамена суох туруоҕа. Кээмэйэ киһи үрдүгүн саҕа буолуоҕа», — диэн кэпсээтэ кылаабынай архитектор.
Куорат салалтата айар куонкуруһу тэрийбитигэр биэс үлэ киирбитэ. Билиҥҥи туругунан кыайыылаах ааптар бырайыагын ситэрэр.
Сонуннар
Ордук ааҕаллар



