Дойду бэрэсидьиэнэ хомууртан кимнээх босхолоноллорун туһунан уураахха илии баттаата

Бэрэсидьиэн эппитинэн, биллибэт болдьоххо диэри хомууртан босхолонуу чуолаан устудьуоннарга сыһыаннаах. Аан бастакы төгүлүн сирэй уонна кэтэхтэн үөрэнэр устудьуоннар, итиэннэ сирэй уонна киэһээҥҥи салааларга үөрэнэр судаарыстыбаннай аккредитациялаах чааһынай үрдүк үөрэх устудьуоннара уонна духуобунай үөрэх тэрилтэлэрин истээччилэрэ босхолоноллор.

«Судаарыстыбаннай аккредитациялаах үөрэх уонна наука тэрилтэлэригэр, орто уонна үрдүк үөрэх бырагыраамаларынан, ол иһигэр ординатураҕа уонна ассистентура-стажировкаҕа үөрэнэр устудьуоннар босхолоноллор. Судаарыстыбаннай аккредитациялаахтары, ол эбэтэр чааһынай үөрэх тэрилтэлэрин эмиэ этэбин», - диэтэ бэрэсидьиэн.

Кини бэлиэтээбитинэн, Арассыыйа Оборонаҕа министиэристибэтэ бастааҥҥыттан, быстах хомуур чэрчитинэн Арассыыйа олохтоохторун араас категорияларын булгуччу ыҥырыы суоҕун туһунан иһитиннэрбитэ. Чопчуламмыт уларыйыылар эрдэттэн нормативнай-быраап базатыгар киллэриллибэтэхтэр.

«Арассыыйа Оборонаҕа министиэристибэтэ уонна бырабыыталыстыба ыйааҕын бырайыага эрдэттэн Оборонаҕа министиэристибэ позициятын тутуспакка тахсыбыт. Ол иһин докумуоҥҥа сөп түбэһэр уларыйыылары киллэрэбит. Бүгүн ыйааҕы таһаарарга дьаһайдым, уларытыллыбыт докумуоҥҥа илии баттаатым», - диэн бэрэсидьиэн тоһоҕолоон бэлиэтээтэ.