Дойду баһылыга Владимир Путин: «Биэс сыл иһигэр «Лидеры России» куонкуруска мөлүйүөнтэн тахса киһи кытынна»

Дьокуускай куорат баһылыга Евгений Григорьев кулун 12 күнүгэр дойду баһылыга, «Россия – страна возможностей» платформа наблюдательнай сэбиэтин бэрэссэдээтэлэ Владимир Путин Кремльгэ «Лидеры России» күрэх бары сезоннарын кыайыылаахтара уонна финалистара уонна «Лидеры России. Политика» уонна «Лидеры Возрождения» бырайыактар выпускниктара 24 бастыҥ салайааччыны кытта көрсүһүүтүгэр кыттыыны ылла. 
Владимир Путин биэс сыл иһигэр күрэххэ мөлүйүөнтэн тахса киһи кыттыыны ылбытын, онон бу күрэх  Арассыыйаҕа эрэ буолбакка, аан дойдуга каадырдары сүүмэрдээһиҥҥэ бастыҥ балаһаакка буоларын бэлиэтээтэ. 
«Туһааннаах дуоһунаһы ылыы – эһиги кыттыбыт күрэххит сыала-соруга буолбатах, 470 киһи номнуо үрдүк дуоһунаска, федеральнай таһымҥа үлэлиигит. Эһиги кэккэҕитигэр алта киһи федеральнай миниистирдэр солбуйааччылара, биэс регион губернаторын солбуйааччылара, губернатордар кытта бааллар. 10 киһи муниципалитет таһымыгар үлэлиир, Судаарыстыбаннай Дуумаҕа, Федерация Сэбиэтигэр, бөдөҥ судаарыстыбаннай хампаанньаларга үлэлииллэр», – диэтэ Владимир Путин.
Дойду баһылыга маны сэргэ Арассыыйа тас өттүгэр олорор эрээри, Арассыыйаҕа үлэлииргэ сайаапка биэрбит дьон баарын, куонкуруска кыттыбыт 29 киһи Арассыыйа гражданствотын ылар баҕалааҕын бэлиэтээтэ. 
Үбүлүөйдээх бэһис «Лидеры России» куонкурус түмүктүүр түһүмэҕэ быйыл олунньу 23-25 күннэригэр Москваҕа буолан ааспыта. Суперфинал кыайыылаахтарынан Арассыыйа 31 регионуттан уонна икки тас дойдуттан 102 киһи тахсыбыта. Кыайыылаахтар Арассыыйа бастыҥ үрдүк үөрэҕин кыһаларыгар талбыт үөрэх бырагыраамаларыгар үөрэнэргэ 1 мөл. солк. кээмэйдээх гранынан бэлиэтэммиттэр, маны сэргэ дойду салалтатыттан настаабынньыктары кытта көрсөр кыаҕы ылбыттар. 
Ол туһунан сиһилии: https://xn--d1achcanypala0j.xn--p1ai/tpost/495grjjfo1-prezident-rossii-vladimir-putin-za-5-let