Доруобуйа харыстабылын үлэһиттэрэ балыыһалар тиэргэннэрин тупсарыыны туруорсаллар

Куорат баһылыга Евгений Григорьев иһитиннэрбитинэн, бүгүҥҥү күҥҥэ куорат нэһилиэнньэтин ахсаана 372 тыһыынча 928 киһиэхэ тэҥнэһэн турар. 2022 сыллаахха 4 тыһыынча 694 кырачаан төрөөбүт. Ол эбэтэр Дьокуускай куорат Уһук Илин регионун түргэнник улаатар куораттарыттан биирдэстэрэ. Сыллата элбии турар нэһилиэнньэ доруобуйатын көрүү-истии – доруобуйа харыстабылын эйгэтин үлэһиттэрин күннээҕи түбүктэрэ.
Олохтоох дьаһалта ааспыт 2022 сыллааҕы отчуотун истэн баран доруобуйа харыстабылын үлэһиттэрэ баһылыкка ыйыыталары биэрдилэр. Ыйытыылар сүрүннээн балыыһалар тиэргэннэрин тупсарыы, массыынаны туруорар сирдэри тэрийии, балыыһаҕа массыына киирэригэр-тахсарыгар табгыстаах суоллары оҥоруу тула буолла. Ону сэргэ Харах балыыһатын таһыгар Свердлов уул., 13 аадырыска турар икки мэндиэмэннээх хаарбах дьиэни көтүрүү, Котенко уулуссатын өрөмүөнүн болдьохторун интэриэһиргээтилэр. Доруобуйа харыстабылын үлэһиттэрэ Дьокуускай куорат сытар уонна көрдөрөр балыыһаларын тиэргэннэрин тупсарыыга тус сыаллаах бырайыак оҥоһуллара наадатын ыйдылар.