Дьокуускайтан массыынанан айан саҕаланна
![Дьокуускайтан массыынанан айан саҕаланна](https://kiinkuorat.ru/wp-content/uploads/2023/03/eIMv0xX05R.jpg)
Тэрээһин кыттыылаахтара «Газ-Соболь» уонна «Тойота-Крузер» массыыналарынан Томпо оройуонун Хаандыга бөһүөлэгэр айаннаатылар. Суолга Баайаҕа сэлиэнньэтигэр норуот маастара Мандар Уус этнологическэй музейыгар сылдьаллар, тимир уустарыттан маастар-кылаас ылаллар.
Арктическай экспедиция уһуна – 4 848 км. Массыынанан айан икки тымныы полюһун – Өймөкөөнү уонна Үөһээ Дьааҥыны ситимниир. «Автопробег» кэмигэр хотугу сир дьикти айылҕатын, аҕыйах ахсааннаах норуоттар култуураларын туһунан хаартыскалары уонна видеоматырыйааллары хомуйуохтара.
Бырайыак уратыта – кыттааччылар өрөспүүбүлүкэ икки хотугу уонна түөрт арктическай оройуоннарынан ааһыахтара (Үөһээ Дьааҥы, Черскэй, Сунтаар сис хайалара). Суол 2/3-һэ – Өлүөнэ, Индигирка, Дьааҥы өрүстэр кыһыҥҥы суолларынан айан.
Айанньыттар улуустар кииннэригэр араас тэрээһиннэргэ кыттыахтара, аатырбыт Өймөкөөҥҥө, Үөһээ Дьааҥыга «Полюс Холода – Верхоянск» бэстибээлгэ, итиэннэ Киһилээх хайатыгар сылдьыахтара.
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)