Дьокуускайга «Жизнь с вирусами» быыстапка үлэлиир

Быыстапка киһи аймах эволюциятын араас кэрдиис кэмнэригэр тарҕаммыт вирустар уонна эпидемиялар, кинилэри кытта охсуһар ньымалар уонна быһыы ылыытын туһатын тустарынан кэпсиир.

Тэрээһиҥҥэ биир бастакынан ХИФУ Медицинскэй институтун, Дьокуускай медколледжын устудьуоннара, «Медик-волонтердар» Бүтүн Арассыыйатааҕы хамсааһын регионнааҕы салаатын чилиэннэрэ, итиэннэ  Роспотребнадзор Саха сиринээҕи салаатын сотрудниктара уо.д.а. сырыттылар.

«Жизнь с вирусами» быыстапка үөрэнээччилэргэ, устудьуоннарга информационнай матырыйаал быһыытынан интириэһинэй буолара бэлиэтэнэр.

Быыстапка Историческай пааркаҕа балаҕан ыйын 30 күнүгэр диэри, 10.00 чаастан 19.00 чааска диэри үлэлиир, киирии төлөбүрэ суох.