Дьокуускайга волонтердар хамсааһыннара үлэлиир

Дьокуускай куорат Орджоникидзе уулуссатын 10 №-дээх дьиэтигэр быстах байыаннай хомуурга ыҥырыллыбыттарга анаан «Якутия с тобой” диэн волонтердар хамсааһыннара баһыылкары наардааһыҥҥа үлэлиир.

Бу туһунан алтынньы 11 күнүгэр ыытыллыбыт брифиҥҥэ #МЫВМЕСТЕ ыстаап салайааччыта Айыллаан Винокуров иһитиннэрдэ.

«Биһиэхэ суһал быһа сибээс үлэлиир. Ону сэргэ ыччат уонна дьиэ кэргэн социальнай-психологическай киинэ уйулҕа өттүнэн көмөнү түүннэри-күнүстэри оҥорор. Билиҥҥи кэмҥэ биирдиилээн дьонтон, өрөспүүбүлүкэ тэрилтэлэриттэн быстах хомуурга барбыттарга анаан көмө харыыта суох киирэ турар», - диэтэ кини.

Көмө хомуйар ыстаап түөрт хайысханан үлэлиир, ол иһигэр быстах хомуурга барбыт дьон дьиэ кэргэттэригэр бородуукта атыылаһар,  дьиэ-уот күннээҕи түбүгэр көмөлөһөр.

Хомуурга ыҥырыллыбыттарга көмөнү күн аайы, өрөбүлэ суох, сарсыарда 10.00-тан 18.00 чааска диэри туталлар.