11.02.2023 | 16:00

Дьокуускайга Тыл хамыыһыйата үлэлээтэ

Дьокуускайга Тыл хамыыһыйата үлэлээтэ
Ааптар: Розалия Томская
Бөлөххө киир

Вилюяна Никитина – "Ийэ тыл кэскилэ" уопсастыбаннай хамсааһын салайааччыта:

– Олунньу 2 күнүгэр Дьокуускай куорат дьаһалтатыгар тылы харыстыыр-сайыннарар политика чэрчитинэн үлэлэһэр анал Хамыыһыйа бастакы мунньаҕа буолан ааста. Бу Хамыыһыйа 2020 сыллаахха оччотооҕу мээр Сардаана Авксентьеваны кытта "Ийэ тыл кэскилэ" түмсүү актыбыыстара көрсүһүүбүтүгэр көҕүлэммитэ. Биһиги киин куорат таһымыгар «Тыл сүбэтин» тэрийиэххэ диэн этии киллэрбиппит. Хамыыһыйа сонно тута тэриллибитэ эрээри, дьаҥ кэмигэр үлэтэ саҕаламмакка турбута. Онон бу бастакы мунньах буолла. Мунньаҕы куорат Олохтоох дьаһалтатын баһылыгын социальнай хайысхаҕа солбуйааччыта Наталья Романовна Степанова иилээн-саҕалаан ыытта. Хамыыһыйа састаабыгар Үөрэх салалтатыттан, Култуура департаменыттан уонна "Кэскил" уһуйаан сэбиэдиссэйэ Сардаана Михайловна Захарова, Саха гимназия дириэктэрэ Валентина Васильевна Софронеева, куорат саха тылын учууталларын методическай холбоһугун салайааччыта Ульяна Васильевна Заболоцкая, уопсастыбаннай түмсүүттэн мин баарбыт. Ону тэҥэ эбэҥки, эбээн, нуучча тылларын исписэлиистэрэ киирбиттэр. Кэпсэтии сүнньэ маннык буолла:

Төрөөбүт тылынан иитэр-үөрэтэр кылаастар, бөлөхтөр элбии туруохтаахтар, ол төрөппүттэртэн эрэ буолбакка, үөрэх тэрилтэлэрин салайааччыларыттан, салалта сыһыаныттан эмиэ тутулуктаах.

Үөрэх управлениетын салайааччыта Мария Петровна Петрова саха тылынан үөрэнэр, саха тылын предмет быһыытынан үөрэтэр хас кылаас баарын, эбээн, эбэҥки тылын үөрэтэр оҕолор ахсааннарын эттэ.

Саха тылын учууталларыгар куорат Дьаһалтата бүддьүөттэн харчы анаан бириэмийэ олохтообута. Ол балаһыанньатын ырытыстыбыт.

2023 сылга Хамыыһыйа үлэтин былаанын кыратык кэпсэттибит уонна икки нэдиэлэ иһигэр этиилэри мунньан Торум оҥоһуллуохтаах. Кыбаарталга биирдэ көрсөн үлэлиэхтээхпит.

Уопсастыбаннас туруорсуута олоххо киирэн, үлэ дьэ саҕаламмыта олус бэрт. Саха тылыгар анаан куорат бүддьүөтүттэн харчы көрүллүбүтэ өссө хайҕаллаах суол. Ханна баҕарар буоларын курдук, барытын киһи быһаарар. Онон дьаһалтаҕа бу туһугар кыһаллан үлэлиир киһи баар буолан хамсаныы саҕаланна дии саныыбыт. Ол баһылык солбуйааччыта Наталья Романовна Степанова буолара саарбаҕа суох. Биллэн турар, барыта баһылык Евгений Григорьев өйөбүлүнэн тахсар. Үөрэх салалтатыгар үлэлии сылдьан оччотооҕу мээр Айсен Николаев оҥорторбут сахалыы кылаастары, бөлөхтөрү элбэтэр куораттааҕы былаана туоларыгар уонна сүрүннээн саха тыла үөрэх эйгэтигэр сайдарын туһугар Наталья Романовна үгүс сыратын биэрэн кэллэ. Билигин уопсастыбанньыктар кыттыылаах Тыл хамыыһыйата үлэлээбитэ эрэллээх суоллары арыйар.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Волонтер эр дьон. Кинилэр кимнээҕий?
Дьон | 22.02.2024 | 11:20
Волонтер эр дьон. Кинилэр кимнээҕий?
Биһиги волонтердар тустарынан ордук пандемия кэмигэр истибиппит. Кинилэр ыалдьыбыт, кыаммат дьоҥҥо астарын, эмтэрин босхо тиэрдэн биэриигэ, араас соруктарга сылдьыбыттара. Волонтердар ойуур баһаардарыгар эмиэ күүстэрин харыстаабакка үлэлээбиттэрэ.
«Үрүҥ илгэ»: эдэр худуоһунньук Семен Нучеканов быыстапката
Сынньалаңңа | 18.02.2024 | 12:00
«Үрүҥ илгэ»: эдэр худуоһунньук Семен Нучеканов быыстапката
Олунньу 8 күнүттэн “Худуоһунньук дьиэтэ” галереяҕа эдэр худуоһунньук Семен Нучеканов “Үрүҥ илгэ” ааптарыскай быыстапката арылынна.