21.11.2023 | 12:30

Дьокуускайга «Үтүө санаа харыйата» аахсыйа саҕаланна

Дьокуускайга «Үтүө санаа харыйата» аахсыйа саҕаланна
Ааптар: Киин Куорат
Бөлөххө киир

Сэтинньи 20 күнүгэр, Уопсастыбаннай сибээстэргэ уонна ыччат политикатыгар управление исписэлиистэрэ, «Ыччат лигата» уопсастыбаннай тэрилтэ бэрэстэбиитэллэрэ сылын аайы ыытыллар «Үтүө санаа харыйата» аһымал аахсыйаҕа кытыннылар диэн Олохтоох дьаһалта пресс-сулууспата иһитиннэрдэ.

Аахсыйа чэрчитинэн, ким баҕалаах, оҕо дьиэлэрин иитиллээччилэрин уонна коррекционнай оскуола үөрэнээччилэрин баҕа санааларын толоруохтарын сөп. Тэрээһиҥҥэ кыттарга оҕо аата суруллубут аккырыыкканы талан баран, ол оҕоҕо саҥа дьыллааҕы бэлэх оҥоһуллар.  

«Ыччат лигата» уопсастыбаннай тэрилтэ көхтөөх бэрэстэбиитэлэ Екатерина Александрова бэлиэтээбитинэн, аахсыйаны кинилэр тэрилтэлэрэ Олохтоох дьаһалта Уопсастыбаннай сибээстэргэ уонна ыччат политикатыгар управлениетын өйөбүлүнэн ыытар.

«Үтүө санаа харыйата» аһымал аахсыйаҕа быйыл коррекционнай оскуолалартан, оскуола-интэринээттэртэн уонна оҕо дьиэлэриттэн 2 тыһыынчаттан тахса оҕо кыттар. Аахсыйа сэтинньи 20 күнүттэн ахсынньы 29 күнүгэр диэри ыытыллар», – диэтэ  Екатерина Александрова. 

«Ыччат лигата» уопсастыбаннай тэрилтэ бэрэссэдээтэлэ Анна Иванова эбэн эппитинэн, «Үтүө санаа харыйата» аһымал аахсыйа Дьокуускайга ахсыс төгүлүн ыытыллар, 2019 сылтан өрөспүүбүлүкэ таһымыгар таҕыста.

«Быйыл «Үтүө санаа харыйата» аһымал аахсыйа Дьокуускайга «Бубль-Гум» маҕаһыын икки филиалыгар ыытыллар: Кальвица уул., 14/5 уонна Дзержинскэй уул., 71. Барыгытын аахсыйаҕа кыттаргытыгар, атыыласпыт бэлэххитин кытта хаартыскаҕа түһэн, «ЁлкаДобра2024» хэштэгтээх социальнай ситимнэргэ угаргытыгар ыҥырабыт», – диэтэ Анна Иванова.

«Бубль-Гум» маҕаһыын ситимин регионнааҕы менеджерэ Арина Степанова бэлиэтээбитинэн, аахсыйа ыытыллар сылларын тухары элбэх киһи кыттан, оҕолор баҕа санаалара туоларыгар көмөлөстө.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....